Жамбыл облыстық балалар мен жасөспірімдер кітапханасы

8-наурыз Халықаралық әйелдер күні «Ардақты әже, аяулы ана, ару қыз» мерекелік кеш

8 наурыз – Халықаралық әйелдер күніне орай Д.А.Қонаев атындағы облыстық балалар мен жасөспірімдер кітапханасы мен №69 орта мектептің ұйымдастыруымен «Ардақты әже, аяулы ана, ару қыз» атты салтанатты мерекелік кеш өтті. Көктемнің шуақты мерекесіне арналған бұл тағылымды шара аналар мен аруларға деген құрмет пен ілтипаттың айқын көрінісіне айналды.

Кеш шымылдығы мемлекеттік шығармашылық тапсырыс аясындағы Қордай аудананың жеке кәсіпкер «Күншуақ» домбыра үйірмесінің орындауындағы күйлерімен түріліп, жиналған көпшілікке ерекше рухани әсер сыйлады. Мерекелік іс-шараға Жамбыл облысы әкімдігінің мәдениет және тілдерді дамыту басқармасы басшысының орынбасары Г.Серікбаева, қалалық білім бөлімінің әдіскері Т.Аяпбергенова, «Aq jol» облыстық газетінің тілшісі Қамар Қарасаева қатысты.

Тараз қаласы №69 орта мектептің «Дала үні» хоры анаға деген шексіз махаббатты әуелеткен ән арқылы жеткізсе, музыка пәні мұғалімі Қалдыбаева Бақытгүлдің орындауындағы «Анамның ақ жаулығы» әні көпшіліктің жүрегін тебірентті. Мектеп оқушылары аналарға арналған жүрекжарды монологтарын оқып, ал жігіттері әсерлі ән-попурри тарту етті. №8 гимназияның театр үйірмесі «Рахмет саған, Мама!» атты көлеңкелі көрініспен көрермендердің көңілінен шықты.

Кітапхана ұжымы сахналаған «Ана қадірі» атты тағылымды көрініс ананың өмірдегі орны мен мәртебесін тереңінен ұғындырды. Сондай-ақ, қордайлық ЖК «Жұлдыздар Әлемі», ЖК «Өнер бұлағы» балалар шығармашылық би үйірмелері «Батыр», «Наз кербез» билерін орындап, кештің көркін қыздыра түсті.

Мерекелік кеш соңында кітапхана қызметкері «Ана шуағы» атты кітап көрмесіне шолу жасап, аналар тақырыбына арналған кітаптар мен мерзімді басылым беттеріндегі мақалаларды таныстырды. Шараға белсене қатысқан өнерпаздар мен қатысушылар алғыс хаттармен марапатталды.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz#sigProGalleria73461bedb3

Comments

Қордай, Меркі, Т.Рысқұлов аудандары кітапханаларының балалар мен жасөспірімдерге қызмет көрсету бөлімдерінің жұмысын зерделеу барысы.

Қордай, Меркі, Т.Рысқұлов аудандары кітапханаларының балалар мен жасөспірімдерге қызмет көрсету бөлімдерінің жұмысын зерделеу барысы.

Кликните, чтобы увеличить изображение photo_2026-03-06_10-18-35.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz#sigProGalleriaf765f49ee5

Comments

«Оқуға құштар жүректер» облыстық байқауы

Қазақ балалар әдебиетінің көрнекті өкілдерінің шығармашылық мұрасын насихаттау мақсатында Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Оқуға құштар жүректер» облыстық байқауының аудандық кезеңі өтуде.

- Қазақ әдебиетінің көрнекті өкілдері: Ыбырай Алтынсарин – 185 жыл, қазақ поэзиясының ақиығы - Мұқағали Мақатаев – 95 жылдығына арналған шығармашылық байқау Тұрар Рысқұлов ауданында өтті.

Нәтижесінде 7 сынып оқушысы Жолдасбек Шұғыла байқаудың облыстық кезеңіне қатысуға жолдама алды.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz#sigProGalleriafb9de71be1

Comments

«Жыр алыбы – Жамбыл Жабаев» әдеби сағат

Оқырмандарды қазақтың ұлы ақыны, суырыпсалма айтыс өнерінің шебері, халық жыршысының тарихымен таныстыру, оларды жас ұрпаққа насихаттау мақсатында Жамбыл Жабаевтың туғанына 180 жыл толуына орай «Жыр алыбы – Жамбыл Жабаев» тақырыбында әдеби сағат өткізілді.

Іс-шара барысында оқырмандарға Жамбыл Жабаевтың өмірі, шығармашылығы туралы мәліметтер беріліп, Керімбай атындағы №12 гимназия оқырмандары ақынның өлеңдерін мәнерлеп оқып айтыстан қысқаша үзінді көрсетті. Шара соңында арнайы жасақталған кітап көрмесіне шолу жасалды.