Жамбыл облыстық балалар мен жасөспірімдер кітапханасы

«Қаламы мен қаруын қатар ұстаған жауынгер» патриоттық talk-show

Кітапхана қызметкерлерінің ұйымдастыруымен № 20 орта мектебінің оқушылары арасында Баубек Бұлқышевтің өмірі мен шығармашылығына арналған «Қаламы мен қаруын қатар ұстаған жауынгер» атты патриоттық talk-show өткізілді.

Іс-шараның мақсаты – қаламгердің өнегелі өмір жолымен, шығармаларымен таныстыру, майдан даласында қарумен Отанын қорғап, қаламымен ел рухын көтерген ерлігін үлгі ету. Кездесу барысында Баубек Бұлқышевтің майдандағы ерлігі мен әдеби мұрасы туралы мәліметтер берілді. «Өмір сүргім келеді» шығармасынан үзінді оқылып, кітап көрмесі таныстырылды.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/#sigProGalleriabc1df5de63

Comments

«Кітап оқитын ұлт» республикалық марафонның 1-кезеңі аясында атқарылатын жұмыстарды талқылау сәті.

Кликните, чтобы увеличить изображение 01.jpeg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/#sigProGalleria3562749277

Comments

Өзбекәлі Жәнібековтің туғанына 90 жыл толуына орай «Тарих пен мәдениеттің тірегі – Жәнібеков» атты интерактивті танымдық сағат өтті.

Іс-шара барысында қазақтың көрнекті мемлекет және қоғам қайраткері, этнограф, ұлттық мәдениеттің жанашыры Өзбекәлі Жәнібековтің өмірі мен қоғамдық қызметі, қазақтың тарихи-мәдени мұрасын сақтап, ұлттық құндылықтарды жаңғыртуға қосқан үлесі туралы кеңінен мәлімет берілді. Қатысушыларға оның ұлттық өнерді, салт-дәстүрді, қолөнерді дамытудағы еңбегі мен музей ісіне қосқан үлесі таныстырылды. Танымдық сағат барысында «Жәнібековті таны», «Тарихты білесің бе?», «Ұлттық мұра» атты интерактивті сұрақ-жауаптар мен танымдық тапсырмалар ұйымдастырылып, қатысушылар өз білімдерін сынады.

Сонымен қатар Өзбекәлі Жәнібековтің өмірі мен қызметіне арналған кітаптар мен ақпараттық материалдар таныстырылып, қайраткердің ұлт тарихы мен мәдениетін дәріптеудегі өнегелі жолы насихатталды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/#sigProGalleria58c3042fd7

Comments

«Жазғы саябақтағы кітап әлемі» кітапханалық шара

«Кітап оқитын ұлт» республикалық жобасы аясында ұйымдастырылған «Жазғы саябақтағы кітап әлемі» кітапханалық шарасында Д.А.Қонаев атындағы облыстық балалар мен жасөспірімдер кітапханасы жазғы демалысты қызықты әрі пайдалы өткізу мақсатында танымдық-ойын-сауық алаңын ұйымдастырды.

Іс – шара барысында оқырмандарға кітаптың адам өміріндегі маңызын насихаттайтын «Кітап – білім бұлағы» атты кітап көрмесі таныстырылды. Көрмеге көркем, балалар, әлемдік әдебиеттер, жергілікті ақындар шығармалары, комикстер мен ертегілер топтамасы қойылып, кітап инсталляциясы ұсынылды.

Балалардың кітапқа қызығушылығын арттыру мақсатында «Мақалды тап», «30 секундтық оқырман», «Кім жылдам?», «Кітапты тап», «Әріптерден сөз құрастыр» атты қызықты ойындар ұйымдастырылып, қатысушылар өз білімдері мен шапшаңдықтарын сынады.

Заманауи технологиялар тоғысқан «IQ TOP» интерактивті алаңында жасанды интеллект арқылы әзірленген өнімдер, аудиокітаптар мен анимациялық ертегілер таныстырылды. Ал «Зерде» ойын алаңында балалардың логикалық ойлауын, зейінін және шығармашылық қабілетін дамытуға бағытталған танымдық ойындар ұсынылды.

Кітап пен заманауи технологияны, танымдық ойындар мен шығармашылықты үйлестірген шара балаларға мазмұнды әрі қызықты орта қалыптастырып, кітап оқуға деген ынтасын арттыруға ықпал етті.