Жамбыл облыстық балалар мен жасөспірімдер кітапханасы

Жас оқырмандардың әдеби талдау дағдыларын дамыту, сыни ойлау қабілетін қалыптастыру, пікір алмасу мәдениетін жетілдіру және рухани құндылықтар тамырын жас жеткіншек санасына жеткізу мақсатында әдеби толқын оқырман клубының кезекті отырысы өтті. Кездесу барысында Мұқағали Мақатаевтың «Аққулар ұйықтағанда» поэмасына жан-жақты талдау жасалды.

Клуб мүшелері поэманың мазмұнын талқылап, шығарманың терең философиялық мәні мен тәрбиелік маңызын ашуға тырысты. Кейіпкерлер әрекетіне өз көзқарастарын білдіріп, шығарма көтерген өзекті мәселелер жөнінде пікір алмасты.

Іс-шара соңында қатысушылар стикерлерге поэмадан түйген ойлары мен әсерлерін жазып, өзара бөлісті.

Кликните, чтобы увеличить изображение 01.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/?start=12#sigProGalleria9b7ee73c1e

Comments

«Интеллектум» балалар клубы «Интеллект: ой мен ойын» Монтесорри ойындары

Д.А.Қонаев атындағы облыстық балалар мен жасөспірімдер кітапханасы №13 бөбекжай балабақшасының бүлдіршіндерімен «Интеллектум» балалар клубы аясында «Интеллект: ой мен ойын» тақырыбында монтессори ойындары ұйымдастырылды. Монтессори ойындары арқылы оқырмандардың зейінін, логикалық ойлауын, есте сақтау қабілетін жетілдіріп, білімге деген құштарлығын арттыру.

Шара барысында бүлдіршіндер түрлі дамытушы Монтессори ойындарға белсене қатысып, берілген тапсырмаларды қызығушылықпен орындады. Олар пішіндерді сәйкестендіру, түстерді ажырату, санау, түйме қадау, құрастыру және ұсақ бөлшектермен жұмыс жасау арқылы өздерінің танымдық және практикалық дағдыларын жетілдірді.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/?start=12#sigProGalleria2242f8a18b

Comments

Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен «Кітапхана – тарихқа бастар жол» жобасы аясында Қарасай петроглифтеріне танымдық экспедиция өтті.

Жобаның мақсаты – жас ұрпақтың туған өлкенің тарихи-мәдени мұрасына қызығушылығын арттыру, оны зерттеу мен құрметтеуге баулу.

Іс-шара барысында қатысушыларға бағыт-бағдар мен қауіпсіздік ережелері түсіндіріліп, Қарасай шатқалындағы ежелгі жартас суреттерінің тарихы таныстырылды. Сондай-ақ Тарихи-мәдени ескерткіштерді қорғау және қалпына келтіру дирекциясының маманы Қарасай петроглифтерінің тарихи маңызы, зерттелуі және оларды сақтау мәселелері туралы кеңінен ақпарат берді. Оқырмандар петроглифтер арқылы көне дәуірдегі адамдардың тұрмыс-тіршілігі мен дүниетанымы жайлы мағлұмат алды.

Экспедиция барысында қатысушыларға арналған танымдық ойындар мен логикалық тапсырмалар ұйымдастырылып, олардың тарихи білімін толықтыруға және ойлау қабілеттерін дамытуға мүмкіндік берілді.

Іс-шара соңында Қарасай өңірінің тарихына арналған кітап көрмесіне шолу жасалып, қатысушылар өз әсерлерімен бөлісті.