балалар мен жасөспірімдер кітапханасы

«Ана тілің арың бұл»

Дөңгелек үстел

Дүниедегі барлық халық тәуелсіздікке, ұлттық қадір-қасиетін, мәдениетін, ана тілін сақтап қалу үшін ұмтылады. Сондықтан кез келген мемлекет өзінің салт-дәстүрін, ана тілін айрықша қорғайды. Қазақстан тәуелсіз ел болып қалсын десек, онда ең алдымен ана тілін дамытуға күш салғанымыз жөн. Мемлекеттік тілді меңгеру – Қазақстан Республикасының әрбір азаматының парызы екенін ұғындыру мақсатында тілдерді дамыту орталығының маманымен кітапхана қызметкерлері және тұрақты оқырмандардың қатысуымен «Ана тілің – арың бұл» тақырыбында дөңгелек үстел өткізілді.

АРМАН ҚАЛА - АСТАНА!

мерекелік кеш, кітап көрмесі

Д.А. Қонаев атындағы Жамбыл облыстық балалар мен жасөспірімдер кітапханасы 6 – шілде Астана күніне орай ҚР Тұңғыш Президенті саябағында «Арман қала – Астана» атты мерекелік кеш, «Еңселі Елорда, асқақтаған Астана!» тақырыбында кітап көрмесін ұйымдастырды. Мерекелік кешімізде түрлі викториналық сұрақтар қойылып, ұтымды жауаптар алынды. Жастар өздерінің алғырлығы мен жан жақты ой-өрісінің кеңдігін көрсете білді. Кітап көрмесіне Қазақстан Республикасының астаналарының қысқаша тарихы мен Астана туралы 30-ға жуық фотосурет, елорданың өткенінен және бүгінінен сыр шертетін туындылар қойылды. Кітап көрмесіне библиографиялық шолу жасалды.

«Дін және жастар»

дөңгелек стол

Елбасымыз Н.Ә.Назарбаев «Біз тегімізде – түрік, дініміз - ислам екенін ұмытпауымыз керек», - деп дінімізді берік сақтауымыз қажет екендігіне айрықша назар аударған. Осы орайда діни экстремизмнің алдын алу бойынша жастардың діни сауаттылықтарын ашу, терроризм мен діни экстремизмнің алдын алу және онымен күресудің жолдары, елімізге келтіретін зардаптарын жан-жақты талдап, жастарға ой салу мақсатында         «Дін және жастар» атты дөңгелек стол ұйымдастырылды. Іс-шараға «Һибатулла Тарази» медресесінің ұстазы Ембергенов Амангелді Назербайұлы және Жамбыл облысы әкімдігі, «Дін проблемаларын зерттеу» орталығының ақпараттық түсіндіру және талдау бөлімінің инспекторы Алпысбаев Бақтияр Қаржаубайұлы, Жамбыл медициналық колледжінің білімгерлері мен ұстаздары қатысты.