балалар мен жасөспірімдер кітапханасы

«Ана тілің арың бұл»

Дөңгелек үстел

 

Дүниедегі барлық халық тәуелсіздікке, ұлттық қадір-қасиетін, мәдениетін, ана тілін сақтап қалу үшін ұмтылады. Сондықтан кез келген мемлекет өзінің салт-дәстүрін, ана тілін айрықша қорғайды. Қазақстан тәуелсіз ел болып қалсын десек, онда ең алдымен ана тілін дамытуға күш салғанымыз жөн. Мемлекеттік тілді меңгеру – Қазақстан Республикасының әрбір азаматының парызы екенін ұғындыру мақсатында тілдерді дамыту орталығының маманымен кітапхана қызметкерлері және тұрақты оқырмандардың қатысуымен «Ана тілің – арың бұл» тақырыбында дөңгелек үстел өткізілді.

 

Іс-шарада Қазақстан халықтары тілдері күніне орай ақпараттар берілді. Тілдерді дамыту орталығының оқытушысы Жақсыбекова Ақбота мемлекеттік тілді білудің маңыздылығы туралы түсінік беріп, оны қадірлеуге шақырды. Келген қонаққа қызметкерлер тарапынан түрлі сұрақтар қойылды. Сонымен қатар сыйластық пен татулықта өмір сүріп жатқан көп ұлтты халқымыздың кемел келешегі де сөз болды. Арнайы жасалған «Ана тілім – айбыным» тақырыбындағы слайд арқылы тіл туралы мақал-мәтелдер, өлең жолдары және тіл үшін жанын, малын құрбан еткен көптеген ақын, жазушыларымыздың, дара тұлғаларымыздың айтылған тамаша туындылары көрсетілді.

Іс-шара соңында «Тіл – ел байлығы» кітап көрмесі ұйымдастырылып, библиографиялық шолу жасалды.

joomlamodniyportal.ru