Қаламгердің өмірі мен шығармашылық жолын оқырмандарға кеңінен таныстыру, оның әдеби мұрасын насихаттау, шығармаларын оқуға қызығушылықтарын арттыру және жас ұрпақты кітап оқуға, рухани құндылықтарды бағалауға тәрбиелеу мақсатында қазақ әдебиетінің көрнекті өкілі, жазушы, драматург, публицист Бақытжан Момышұлының 80 жыл толуына орай «Қаламы өткір, ойы терең қаламгер» әдеби сағат өткізілді.

Іс-шара барысында «Қаламгердің өмір жолы», «Әдебиет әлеміндегі өз қолтаңбасы», «Қаламгердің қанатты ойлары», «Кітап сөйлейді» тақырыптық бөлімдер қамтылды. Қатысушылар жазушының шығармаларынан үзінділер оқып, көркемсөз орындады. Сондай-ақ, қаламгердің шығармашылығына арналған кітап көрмесіне шолу жасалып, оқырмандарға оның кітаптарын оқуға ұсыныстар берілді. «Қара жұлдыз», «Мен әлі сәбимін» кітаптары таныстырылды.

Әдеби сағаттың қызықты әрі танымды өтуіне «Білгенге маржан» әдеби викторина да өз үлесін қосты. Викторина барысында қатысушылар Бақытжан Момышұлының өмірі мен шығармашылығына қатысты сұрақтарға жауап беріп, өз білімдерін ортаға салды. Еркін пікір алмасу барысында оқырмандар қаламгер шығармашылығынан алған әсерлерімен бөлісіп, өз ойларын білдірді.

joomlamodniyportal.ru