балалар мен жасөспірімдер кітапханасы

Д.А.Қонаев атындағы Жамбыл облыстық балалар мен жасөспірімдер кітапханасы Жамбыл облысының Іскер әйелдер қауымдастығы ҚБ «Отбасы институтын нығайту және гендерлік мәдениетті қалыптастыру» Жобасын іске асыру шеңберінде, ҚР Тәуелсіздігінің 30 жылдығына арналған «Отбасы – өнер ордасы» отбасылық фестиваліне кітапхана қызметкері Н.Е.Сағатбекова қатысып "Отбасылық вокалдық-ансамбль және аспаптық өнері" аталымы бойынша сертификатпен марапатталды.

⠀

Жеңісініз құтты болсын Нұргүл! Сізді әрдайым биіктен көрейік.

joomlamodniyportal.ru

Comments

«Қазақстан Республикасының Тәуелсіздігінің 30 жылдығы аясында «Бірлік пен жасампаздықтың 30 жылы» атты «Кітапхана түні-2021» квест-шоуға «Аспара» мәнерлік өнер және бизнес колледжінің білімгерлері мен жетекшілері қатысты.

Қатысушылар 3-топқа бөлініп, жеке жол бағытымен белгіленген 5-алаңға тоқтап, берілген тапсырмаларды белгіленген уақыт ішінде орындады.

«Таныстыру» алаңында әр топ өздерін таныстырды.

«Тәуелсіз елдің ұрпағымыз» библиошар алаңында Тәуелсіздікке арналған сұрақтарға жауап беріп, қатысушыларға ой теңгелер таратылды.

«Жомарт күздің шашуы» мастер класс алаңында тақырыпқа байланысты жеміс-жидектерден кесінділер жасады.

⠀ «Біз өнерлі оқырман» алаңында қатысушылар сән үлгісін және күй тартып, М.Мақатаевтың өлеңдерінен монолог оқыды.

«Би әлеміне саяхат» алаңында тик-ток биін қайталай отырып, қатысушылар ой теңгелерге ие болды.

⠀

Квест-шоу соңында қатысушылардың 3-4 алаңдарындағы еңбектерін бағалап, алғыс хаттармен марапатталып, бағалы сыйлықтарға ие болды.

Таратылған ой-теңгелеріне қатысушылар «Coffee book» алаңынан дәм татты.

joomlamodniyportal.ru

Comments

Алаш көсемі, мемлекет және қоғам қайраткері, халқымыздың біртуар перзенті – Әлихан Бөкейхановтың 155 жыл толуына орай кітапханада «Алаш көсемі» кітап көрмесі ұйымдастырылды.

⠀ Алаш Орда үкіметінің төрағасы, ұлт көсемі Әлихан Нұрмұхамедұлының мерейтойы биыл ҚР Тәуелсіздігінің 30 жылдығымен тұспа-тұс келіп отыр. Өзінің бар саналы ғұмырын қазақ халқының ұлт-азаттық қозғалысына, мемлекет біртұтастығы мен тәуелсіздігіне арнаған, ел егемендігі мен халқы үшін жан кешіп күрескен Әлихан бабамыздың есімі ел есінде мәңгілік. Кітапхана мамандары 1917-1927 ж. Семейдiң бұрынғы «Заречная Слободка» бөлiгi Алаш қаласы болып аталып келгендігі, Әлихан Бөкейхан 1918 жылдан бастап өзiнiң Алашорда үкiметiнiң төрағасы қызметiне байланысты Семейде тұрғаны жайында атап өтті.

⠀ Әлихан Бөкейхановтың Алашорда үкiметiнiң Ұлт Кеңесi, Семей облыстық кеңесi, облыстық және уездiк Земство басқармалары, Алаш қалалық Думасы мен Алаш қалалық қоғамдық басқармасы тәрiздi болашақ мемлекеттiк басқару жүйелерiн құруға қатысып, қыруар iстер атқарғандығы туралы кітап беттеріндегі құнды деректер таныстырылды.

⠀

Сондай-ақ кітап көрмесіне Ә. Бөкейханов шығармаларының 9 томдық толық жинағы, ғалымның таңдамалы еңбектері, «Алаш және тарих», «Алаш және әдебиет» кітаптары мен Т.Жұртбайдың «Ұраным Алаш», К. Нұрпейісовтің «Алаш һәм Алашорда», Ғ. Ахмедовтің «Алаш, Алаш болғанда» т.б. алаштанушы ғалымдардың еңбектері қойылып, шолу жасалды.

joomlamodniyportal.ru

Comments