балалар мен жасөспірімдер кітапханасы

Қазақ мемлекетінің бастауында болған Жошы ұлысының құрылғанына биыл 800 жыл. Осыған орай №15 гимназияның 5-7 сынып оқырмандарына «Жошы ұлысы – мемлекетіміздің негізі» тэйбл-ток ұйымдастырылды.

Талқылау барысында тақы¬ры¬пқа арқау болып отырған тарихи тұлғаның өмірбаяны мен өскен ортасы туралы ақпараттар беріліп, Жошы ұлысы туралы 10 дерек айтылды. Бүгінде Ұлытау даласында республикалық маңызға ие 12 тарихи-мәдени кешен бар. Оның тең жарымы Жошы дәуіріне тиесілі.

Жошы хан 1225 жылы дүниеден өтіп, ұлыс билігі екінші ұлы Батудың қолына көшеді. Ол 1256 жылға дейін ел басқарды. Одан кейін Батудың ұлдары Сартақ пен Ұлақшы аз ғана уақыт билік құрса, 1257-1266 жылдары Берке ел биледі. Бұл кезеңді Жошы ұлысының еңселі дәуірі дейді тарихшылар. Одан кейін Мөңке-темір 14 жыл, Тұла бұқа төрт жыл, соңында Тоқты, Өзбек, Жәнібек хандар кезектесіп билік басына отырды. Бұл билеушілерді тарихшылар Жошының өз ұрпағынан шыққан хандар деп есептейді.

Іс-шара соңында оқырмандарға «Қазақстан тарихы», «Тұран әлемі», «Көк түріктер», «Көшпенділердің ұлы шайқастары», «Ұлы дала мемлекеттері» кітаптары таныстырылды.

«Сиқырлы қылқалам» сурет үйірмесінің кезекті сабағы «Себеттегі алма» тақырыбында өтті. Балалар фломастер бояуының сырын аша отырып, себеттегі алманың суретін салды.

«Жас қаламгер» клубы аясында көркем әдебиетті насихаттау мақсатында ақын, Қазақстанның еңбек сіңірген қызметкері, «Алаш» сыйлығының, «Парасат» орденінің иегері – Ханбибі Есенқарақызының 75 жас толуына орай «Өмірі өлеңмен өрілген ақын» тақырыбында кітапхана оқырмандарымен онлайн поэтикалық марафон ұйымдастырылды.

«Жас қаламгер» клубының мүшелері ақынның ел аузында жүрген танымал өлеңдерін кезектесіп оқып, поэтикалық марафон көпшілік оқырмандар назарына ұсынылды.