Жамбыл облыстық балалар мен жасөспірімдер кітапханасы

«Интеллектум» баланы интелектуалды дамытуға арналған жоба

Өскелең ұрпақтың зияткерлік қабілетін, көрнекі ойлауын, психомоторикасын, есте сақтау қабілетін дамыту, кітап оқуға деген қызығушылығын арттыру, кітап қорындағы баланың ой-өрісін дамытатын түрлі ойыншықтарды қолдана отырып саналы, жан-жақты ұрпақ қалыптастыру, балалардың қызығушылығы мен бейімділіктерін байқау мақсатында Д.А. Қонаев атындағы облыстық балалар мен жасөспірімдер кітапханасында «Интеллектум» жобасының тұсаукесері өтті.

Аталған жобаға кітапханамыздың тұрақты оқырмандары, сонымен қатар ерекше балаларды тәрбиелеп отырған ата-аналар, «Дара бала» коррекциялық орталығының психолог маманы – Оразбекова Анар Ержанқызы қатысты.

Іс-шараға қатысушы оқырмандар ойлау қабілетін арттыратын, қолдың ұсақ моторикасын дамытатын түрлі дамытушы ойыншықтармен ойын ойнап, пазлдар құрастырып, өз уақыттарын тиімді пайдаланды.

Кітапханада өтілетін іс-шараларға «Интеллектум» жобасын қолдану міндеті жауапты маманға жүктелген. Аталған жоба жыл бойына тұрақты түрде өткізіліп тұрады.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/?start=172#sigProGalleria26cb5008e3

Comments

«Бір ел- бір кітап”

Биылғы жылы «Бір ел- бір кітап” акциясы аясында балалар әдебиетінің классигі, 2024 жылы 100 жылдығы ЮНЕСКО көлемінде аталып өтілетін Бердібек Сокпақбаевтың шығармаларын оқу ұсынылды.

Қазақ жазушыларының көрнекті өкілінің кітабы тұрақты көрмеге қойылып, шығармаларымен таныстырылды.

Енді оқырман жыл бойы оның шығармаларын оқып, танысады.

Comments

“Ана — өмірдің шуағы” атты тұрақты кітап көрмесі

Халқымыздың ырысты ынтымағын, береке-бірлігін, туыстың татулығын іске асыратын да, ұйымдастыратын да әйел-ана.

Қыздарды әдемілік әлемінің сұлулығын көзбен көре, жанмен түсіне білуге, сұлулық сырын тілмен жеткізе, көңілге тоқи білуге, зерделі болуға үйрету, қазақ қызының бойындағы дәстүрімізге сай әдептілік, инабаттылық, көріктілік, ептілік сияқты жан-жақты ұлттық асыл қасиеттерді бойга сіңіріп тәрбиелейтін “Ана — өмірдің шуағы” атты тұрақты кітап көрмесі ұйымдастырылды.

Сонымен қатар ана туралы бейнеролик көрсетіліп, қыз баланың балалық шағынан, бойжеткен, жас келін, аяулы ана және ақжаулықты әже кезеңдерінің бейнелерін кітапханашылар сомдады. Бұл көрме оқырмандарға бір апта бойы ұсынылып, кітапханашылар қыз, әже, апа рөлінде оқырмандарға қызмет көрсетті.

Comments

Ғасыр саңлағы Әдеби панорама

Бүгін, ғасырдың дара перзенті, қоғам қайраткері Д.А.Қонаевтың туған күніне орай, ұлы тұлғаны жас ұрпаққа насихаттау мақсатында - Абай атындағы Жамбыл гуманитарлық колледжінің білімгерлерімен кітапханада «Ғасыр саңлағы» әдеби панорама өткізілді.

Оқырмандарға «Ғасырдың дара перзенті» кітап көрмесіне шолу жасалып, кемеңгер туралы қызықты ақпараттар берілді.