балалар мен жасөспірімдер кітапханасы

Өскелең ұрпақтың бойында экологиялық мәдениетті қалыптастыру, эко-білім беру, қоршаған ортадағы экологиялық проблемалармен ақпараттандыру мақсатында - «EcoLand» жобасы аясында «Әлем – адамзаттың жалғыз үйі» апталықтың ашылуы өтті.

Іс-шара барысында Төле би атындағы №8 гимназияның 4 сынып оқушыларына «Экология» туралы толық ақпарат беріліп, ойындар ойнатылып, жұмбақтар мен сұрақтарға жауап берілді. «Ауаның бұзылуы» мен «Судың ластануы» туралы іс-тәжірибелер көрсетілді.

Шара соңында «Табиғатты аялайық!» тақырыбында бейнеролик көрсетіліп, тақырыпқа сай кітап көрмесіне шолу жасалды.

joomlamodniyportal.ru

Comments

Оқырмандарды әдеби шығармалардың кейіпкерлерін театрландырылған көріністер арқылы кітапқа қызығушылығын арттыру мақсатында «Ертегіні сахналауға шығайық» тақырыбында «Театр және кітап» жобасының ашылуы өтті.

«Қошқар мен Теке» ертегі желісінің кейіпкерлері жас оқырмандармен «Дос іздеген Бота», «Шалқан», «Алтын сақа» ертегілеріне бірге саяхат жасады.

Бүлдіршіндерге арналған түрлі ертегі кітаптары мен заманауи 3D, 4D және ашылмалы, сөйлейтін кітаптарға шолу жасалып, «Ертегілер әлемі» әнімен аяқталды.

joomlamodniyportal.ru

Comments

Қазақстандағы «Дара» қоры ұсынған «Тәлімгерлер» жобасы аясында Д.А.Қонаев атындағы Жамбыл облыстық балалар мен жасөспірімдер кітапханасы «Тәлімгер кемесі» атты корпоративті тәлімгер бағдарламасын қолға алды. «Өмірлік қиын жағдайдағы балаларды қолдау орталығы» коммуналдық мемлекеттік мекемесінің тәрбиеленушілеріне арналған бұл жоба балалар мен жасөспірімдердің даму мүмкіндіктерін кеңейтуге, балалардың шығармашылық қабілеттерін дамытуға және дұрыс мамандықты таңдап игеруді қолдауға, сонымен қатар жасөспірімдерге психологиялық-педагогикалық қолдау көрсету арқылы өз идеяларын, ой-қиялдарын іс жүзінде жүзеге асыруға көмектесуді көздейді. Алғашқы ашық мотивациялық кездесу «Өмірлік қиын жағдайдағы балаларды қолдау» орталығында «Бала құқығы – асыл қазына» тақырыбында ұйымдастырылды.

Шара барысында бағдарламаның мақсаты мен бағыты таныстырылып, «Біз не істеуге құқылымыз?, Не істеуге міндеттіміз?» сұрақ-жауап, "Мен өз іс-әрекеттерім үшін жауаптымын» «Анаға тағзым» орталығының психолог маманы А. Назымбекова психологиялық тренинг өткізсе, К.Әзірбаев атындағы облыстық филармониясының "Балауса" циркінің әртісі Талап Таубеков балаларды сиқыр әлеміне жетеледі. Жас ақындарымыз Нурланов Ерлан Керімжанұлы және Сымбат Сұлтан балаларға арналған жыр шумақтарын оқыса, мекеме тәрбиеленушілері «Қара шекпен» театрландырылған көрініс көрсетті.

Кеш соңында ынтымақтастық туралы меморандумға қол қою рәсімі өтіп, мекеме басшылары аталған жоба аясында бірге жұмыс атқаратындықтары туралы келісім жасасты.

joomlamodniyportal.ru

Comments