балалар мен жасөспірімдер кітапханасы

Жамбыл облыстық балалар мен жасөспірімдер кітапханасының ұйымдастыруымен «Мамандығым – мақтанышым» атты мамандар күні өткізілді.         Аталған шараға №13 балабақшаның тәрбиешісі – Сейіткерімова Гүлжан Асылханқызы, жоғары білікті маман, дәрігер, ортопед-хирург – Рахимов Ардақ Қадырханұлы, «Асқар» сұлулық салонының шаштараз маманы – Сұлтанбекова Алимаш Қайратқызы және Ы.Сүлейменов атындағы №37, №10, №23 мектептердің оқушылары қатысты.

Жамбыл облыстық балалар мен жасөспірімдер кітапханасы №33 орта мектептің бастауыш сынып оқушыларымен Отан қорғаушылар күніне арналған «Бүгінгі ұландар – ертеңгі ел қорғаушылар» атты ерлік сағаттын өткізді. Іс шараның мақсаты келер ұрпақты Отанына аянбай ерлік көрсете білуге, бабалардың есімін құрметтеуге, адамгершілікке, Отанын сүюге, оны қорғауға баулу, патриоттық рухы жоғары, қайсар жауынгер ағалар ерлігін үлгі ету, өз елін, жерін қастерлейтін саналы да парасатты азамат етіп тәрбиелеу.

27 сәуір Жамбыл облыстық балалар мен жасөспірімдер кітапханасының абонемент секторының ұйымдастыруымен кітапхана ұжымы арасында «Мен, сен, ол, бәріміз - тұтас елдің сәніміз!» атты эстафеталық жарыс өткізілді.

Мақсаты: «Денсаулық» ұғымының адамгершілік құндылығы ретінде мәнін ашу. Денсаулықты сақтау, нығайту қажеттілігі туралы түсініктерін кеңейту. Денсаулығын күтуге, бағалауға шақыру. Әріптестеріміздің спортқа деген қызығушылығын арттыру.