Кітапхана «Біз біргеміз бәріміз» мүмкіндігі шектеулі балалармен жұмыс бағдарламасы аясында оқырмандарға адал дос болу, бір-бірін сыйлау, қиындық болса бір үйдің баласындай тату-тәтті, береке-бірлікте болу мақсатында «Мейірім» мектеп-интернаттың  4-сынып оқушыларына «Дос болайық, бәріміз!»  тақырыбында әдеби-микс өткізді.

 

Іс-шара барысында жастайынан есту қабілеті нашар балалар қазақ және шет ел ертегілерімен танысып, пазл кітаптарды құрастырды. Сонымен қатар оқырмандарға «Жақсы дос - жан азығы» тақырыбында кітап көрмесі таныстырылып, кітап оқуға деген қызығушылықтарын оятты. Естімейтін және нашар еститін балаларға сабақ барысын сурдопедагог ұстаздары түсіндіріп көрсетті. Балалар  өздерінің өнерлерін көрсетіп, өлеңдер айтты.  Жастайынан есту қабілеті нашар балалар дыбыстық кітаптарға қызығып, ұнатқан кітаптарын қолдарымен ұстап, көруге мүмкіндіктері болды.

Іс-шараға 15 мүмкіндігі шектеулі оқушы қатысып, 4-уі оқырман болып тіркелді.

joomlamodniyportal.ru