Жамбыл облыстық балалар мен жасөспірімдер кітапханасы

«Кітапханалық тайм-менеджмент: кітапхана – ақпарат әлемінің провайдері» облыстық форсайт сессиясы

Жамбыл облыстық мәдениет, архивтер және құжаттама басқармасымен Ш.Уәлиханов атындағы облыстық әмбебап ғылыми кітапханасының ұйымдастыруымен «Кітапханалық тайм-менеджмент: кітапхана – ақпарат әлемінің провайдері» облыстық форсайт сессиясы өтті.

Аталған іс-шараға кітапханамыздың Инновациялық-әдістемелік бөлімнің меңгерушісі Кузенова Т.Т, Негізгі қорды сақтау бөлімінің меңгерушісі Мелдеева М.М және кітапханашысы Баймбетова А.Ж. қатысып, «Кітапхана – жаңа ғасыр ұрпағын дамыту ортасы ретінде» «Балалар жылы» аясында атқарылған жұмыстар жайлы баяндады.

ҚР Ұлттық академиялық кітапханасының Бас директоры Ғазиза Құдайбергенқызы еліміздің мәдениет саласына және отандық кітапхана ісінің дамуына қосқан үлестері үшін қатысушыларды алғыс хатпен марапаттады.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?start=468#sigProGalleria66652bbae5

Comments

«Кітапханамен танысу» экскурсия

Күзгі демалыс уақыттарын тиімді пайдалану, кітап оқуға қызығу және кітапханалармен таныстыру мақсатында С.Нұрмағанбеов атындағы №10 орта мектебінің 3 сынып оқушылары біздің кітапханаға келіп саяхат жасады.

Саяхат барысында Д.А.Қонаевтың 110 жылдық мерейтойына ашыған «Ғасырдың дара перзенті» кітап көрмесімен танысып, оқырмандарға қызмет көрсететін бүлдіршіндер, мерзімді басылымдар секторларымен жасөспірімдерге қызмет көрсету бөлімі туралы ақпарат алды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?start=468#sigProGalleria6cfef22e95

Comments

"Біз біргеміз бәріміз"

"Біз біргеміз бәріміз" кітапхана бағдарламасы аясында мүмкіндігі шектеулі балалармен жұмыс жүргізу барысында Д.А.Қонаев атындағы Жамбыл облыстық балалар мен жасөспірімдер кітапханасының қызметкерлері мүмкіндігі шектеулі балаларды әлеуметтік ортаға бейімделуіне көмек беру мақсатында, кітапхана қорына келіп түскен жаңа оқулықтармен таныстырды.

Мұқтаж жандардың тұлға болып қалыптасуына ықпал ету мақсатында тізім бойынша жекелеген үйлерге барып, жас ерекшелігіне байланысты "Төрт түлік", "Ертегім менің, ертегім", "Ертегілер әлемінде", "Менің сүйікті ертегілерім", "Күл қыз", "Арыстан мен патша", "Әжемнің ертегілері", "Әріптермен танысу", "Өнегелі ертегілер" тағы басқа жаңа кітаптартар ұсынылды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?start=468#sigProGalleria7060c89a5b

Comments

«Әлемді кітап арқылы танимын» ең көп оқитын оқырмандар арасында облыстық байқау

Жамбыл облысы әкімдігінің мәдениет, архивтер және құжаттама басқармасы, Д.А.Қонаев атындағы Жамбыл облыстық балалар мен жасөспірімдер кітапханасы және мектеп олимпиадаларын және мектептен тыс іс-шараларын өткізетін облыстық орталықтың ұйымдастыруымен «Рухани жаңғыру» бағдарламасының «Туған жер» арнайы жобасы аясында «Әлемді кітап арқылы танимын» ең көп оқитын оқырмандар арасында облыстық байқау ұйымдастырылды.

2017ж – Ескен Елубаевтың, 2018ж – Сұлтан Қалиевтың, 2019 ж – Пернебай Дүйсенбиннің шығармашылықтары бойынша өткізілсе, 2021 ж - Әлдихан Қалдыбаевтың, ал 2022 жылы - арасында балалар ақыны Совет Әлімқұловтың өмірі мен шығармашылығына арналды.

Байқауға жас ерекшеліктеріне қарай 8-12 жас аралығындағы аудандық іріктеу кезеңінде жолдама алған 12 оқырман қатысты.

Байқауға арнайы шақырылған қонақтар – Жамбыл облысы әкімдігінің мәдениет, архивтер және құжаттама басқармасының бас маманы - Құттыбаева Жадыра Нұржанқызы, балалар жазушысы, журналист - Көсемәлі Сәттібайұлы, сатирик-ақын және балалар ақыны, бірнеше кітаптың авторы, Жамбыл радиосының жетекшісі - Әлімқұл Бақытжан Советұлы, журналист, сан қырлы журналистиканың қазанында қайнаған, теле жүргізуші, көп деген әндердің авторы - Ғайни Әлімбекқызы, 2017 жылы өткен Е.Елубаев оқуларының жеңімпазы, Оңтүстік Қазақстан Мемлекеттік педагогикалық университетінің филология факультетінің білімгері – Нұрлан Нұргерім Мақсұтұлы, Д.А.Қонаев атындағы облыстық балалар мен жасөспірімдер кітапханасының директоры Инкарбекова Гульфайруз Капаровна төрелік етті. Сонымен қатар осынау игі шараның соңғы кезеңінде 4 жылда өткізілген байқаулардың жеңімпаздары қонақта.

Қатысушылар «Мен – талантты оқырманмын» сайыскер өзін-өзі таныстыру, «Портрет галереясы» портреттегі ақын-жазушыларды табу, балалар жазушысы С. Әлімқұловтың шығармаларынан өлеңдерін немесе сахналық қойылым қою, «Әдеби бәйге» ақынның өмірі мен шығармашылығына қатысты сұрақтарға жауап беру кезеңдерден бақ сынады.

Облыстық байқауға мектеп олимпиадаларын және мектептен тыс іс-шараларды өткізетін облыстық орталығы мен «Қарақат» мектеп студиясының балалары домбыра, ән мен би өнерлерін көрсетті.