Жамбыл облыстық балалар мен жасөспірімдер кітапханасы

Сайтта кім бар

Қазір 54 қонақ және Бірде бір тіркелген қолданушы жоқ сайтта отыр

1192112

Сегодня

Вчера

На этой неделе

На прошлой неделе

В Этом месяце

В прошлом месяце

Всего

50

926

976

6382

11435

1163932

1192112

Ваш IP: 3.17.65.101

Время на сервере: 18-03-2025 00:46:53

Visitors Counter

Д.А. Қонаев

Қазақстан - Ұлы Дала Елі

Бір ел-бір кітап

«Тұлғасы тұнған тәлім, есімі елге мәлім» Б.Момышұлы атындағы «Даңқ» залына саяхат

«Тұлғасы тұнған тәлім, есімі елге мәлім» Б.Момышұлы атындағы «Даңқ» залына саяхат «Рухани жаңғыру» бағдарламасының - «Ұлы даланың ұлы есімдері» арнайы жобасы аясында Кеңес одағының батыры, жазушы, екінші дүниежүзілік соғыстың даңқты жауынгері, әскері, қолбасшы - Бауыржан Момышұлының 110 жылдығына орай «Даңқ» залының Бауыржантану орталығында оқырмандарға арналған «Тұлғасы тұнған тәлім, есімі елге мәлім» атты экскурсия ұйымдастырылды. Оқырамандарды отаншылдыққа, еліне, туған жеріне деген сүйіспеншіліктерін арттыру, болашаққа деген сенімі мен ой-өрісін дамыту, елінің мұрасын қастерлеп, оны жалғастырушы азамат болуға тәрбиелеу мақсаты көзделді.

«Данқ» залының бірінші қабаты-Ұлы Отан соғысы жылдарын бейнелейтін фотосуреттер мен экспонаттарға толы. Онда 1000 шаршы метрге барлығы 1 миллион 500 мыңнан астам фото шежірелер топтастырылған. Залдың бірінші бөлігінде орналасқан 1941, 1942, 1943, 1944-45 жылдарға арналған қабырғалардағы суреттер сол кезеңдегі соғыс көріністерін еріксіз көз алдыңа алып келеді. 1941-жылға арналған қабырғада «Барбороса» жоспарының картасы, Мәскеу үшін шайқасының, генерал-майор И.Панфиловтың, «Отан ана», Б.Момышұлының, Н.Белошевтің және басқа да барлығы 100-ден астам фотосуреттер мен 200-ден аса құжаттар қойылған. Нысанның екінші қабатында-«Бауыржантану» ғылыми-зерттеу орталығы орналасқан.

Орталықта Б.Момышұлының балалық шағынан кемеңгерлік жасына дейінгі өмірін бейнелейтін музей және көркемсурет бұрышы құрылған. Онда негізінен майдангер-қаламгердің шығармашылық-тұлғалық болмысын айшықтауға басымдық берілген. Орталық ішінде Бауыржан Момышұлының шығармашылығына арналған кітапханалық бұрыш пен жиын өткізуге арналған конференция залы жасақталған. Экскурсияға барлығы - 12 оқырман, 5 кітапхана қызметкерлері қатысты.

Кликните, чтобы увеличить изображение 001.jpg

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=720#sigProGalleriaf48384c2f3

Comments

1 желтоқсан - Тұңғыш Президент күні «Тәуелсіз елдің көшбасшысы» виртуалды кітап көрмесі

«Рухани жаңғыру» бағдарламасының «Туған жер» арнайы жобасы аясында 1 желтоқсан - Тұңғыш Президент күні «Тәуелсіз елдің көшбасшысы» виртуалды кітап көрмесі ұсынылды. 1991 жылғы 1 желтоқсанда, алғаш рет жалпыхалықтық сайлау өтіп, егемен Қазақстанның негізін салушы - Нұрсұлтан Назарбаев тұңғыш рет Президент болып сайланды.

Сайлауға қатысқандардың 98,78%-ы жақтап дауыс берді. Бұл жаңа мемлекет қалыптасуының өтпелі кезеңінде сенімді басшыға өз тағдырын тапсырған Қазақстан халқының жауапты таңдауы еді. Шын мәнінде, Елбасы Нұрсұлтан Назарбаевтың салиқалы саясатының арқасында тәуелсіз Қазақ елі қалыптасып, тарихымыз түгенделіп, тіліміз, дініміз және діліміз қайта оралып, мемлекетіміздің ұлттық рәміздері қабылданды.

Қазақстанның шынайы егемендігін қамтамасыз еткен маңызды мемлекеттік актілерге қол қойылды. Осы орайда оқырмандардың жүрегіне еліне, жеріне, Отанына, Елбасына деген сүйіспеншілік сезімін ояту, Елбасымыз салған сара жолымен жүріп, ел үшін еңбек сіңіріп, қазақ елінің елеулі азаматы болу деген түйсік қалыптастыру, Елімізге еңсе тіктетіп, мемлекетімізді мығымдап берген, халқымызды әлемге танытып, алаш баласының абыройын асқақтатқан Елін сүйген, елі сүйген Елбасынан үлгі алуға, тәрбие алу мақсаты көзделді.

Comments

М.Дулатұлының туғанына - 135 жыл "Азаттықты аңсаған ұлт көсемі"кітап көрмесі

"Рухани жаңғыру" бағдарламасының "Ұлы даланың ұлы есімдері" арнайы жобасы аясында М.Дулатұлының туғанына - 135 жыл "Азаттықты аңсаған ұлт көсемі"кітап көрмесі өтті. Оқырмандарды оқу-білімге баулып, ұлы адамдардың еңбек жолдарын үлгі етіп, елінің патриоты болуға қалыптастыру, ұлтына деген қызығушылығын арттыру мақсатында қойылған бұл көрме 3 бөлімнен тұрады.

Бірінші бөлімде Алаш қозғалысының тарихы, қайраткерлері: Әлихан Бөкейханов, Ахмет Байтұрсынов, Міржақып Дулатұлының шығармалары, суреттері, нақыл сөздері қойылған.

Екінші бөлімде халық жүрегіне ерекше қымбат тұлғалардың бірі - Міржақып Дулатұлының өмірбаяны, шығармашылығы, қазақ тарихына калдырған ізі, әдебиеттің дамуына қосқан үлесі, қоғамдық-әлеуметтік іске белсене араласқан қайраткерге арналды.

Ал, үшінші бөлімде мерзімді басылымдарда жарық көрген материалдар қойылған. Көрмеге барлығы - 30 кітап, 12 газет-журнал және дәйек сөздер қойылды.

Кликните, чтобы открыть изображение!

Посмотрите вложенную галерею изображения онлайн в:
https://jobjk.kz/kz/neg/homepage-4.html?id=1062&start=720#sigProGalleria80bc88b700

Comments

«Балалардың сүйікті жазушысы»

«Балалардың сүйікті жазушысы» С.Бегалиннің туғанына - 125 жыл әдеби дилижанс «Рухани жаңғыру» бағдарламасының «Ұлы даланың ұлы есімдері» арнайы жобасы аясында балалар жазушысы Сапарғали Бегалиннің туғанына - 125 жыл толуына орай С.Бегалин жайында мағлұмат бере отырып, оның өлеңдері мен шығармашылықтарын таныстырып, оқырмандарды адалдыққа, адамгершілікке тәрбиелеу мақсатында «Балалардың сүйікті жазушысы» әдеби дилижанс өткізілді.

Іс-шара барысында С.Бегалиннің туып өскен жері, алғаш жазған туындылары жайлы видеоролик ұсынылды. Әдеби дилижансқа қатысқан "Мектеп олимпиадаларын және мектептен тыс іс-шараларды өткізетін облыстық "Жамбыл дарыны" орталығының" балалары С.Бегалиннің өлеңдерінен үзінді оқып, әсем әуендерін шырқап, би биледі.

Іс-шара соңында «Балалар әлемінің елшісі» кітап көрмесі таныстырылды.