балалар мен жасөспірімдер кітапханасы

Д.А.Қонаев атындағы Жамбыл облыстық балалар мен жасөспірімдер кітапханасы Тәуелсіздігімізді, тарихымызды, салт-дәстүрімізді оқырмандардың, жолаушылардың, жас ұрпақтың оқу мәдениетін дамыту мақсатында Тәуелсіздіктің 30 жылдығына орай «Тәуелсіздік – мәңгілік елдің тұғыры» тақырыбында библиотакси ұйымдастырылды. Библиотакси – Д.Қонаев көшесі мен Қазыбек би көшелерінің бойымен жүріп өтті.

Библиотакси 3 кезеңнен тұрды:
1. «Кім жылдам?» 1 минутта 10 сұраққа «ия» немесе «жоқ» деп жауап беру;
2. «Мақал – сөздің мәйегі» мақал-мәтелдің жалғасын табу;
3. «Қазақтың салт-дәстүрлері» бойынша сұрақ-жауап.

Іс-шара барысында жолаушылар 3 кезеңге толықтай жауап беріп, діттеген жеріне тегін жеткізіліп және сұрақтарға толықтай жауап бергені үшін ұлы ақын – Абай Құнанбаевтың «Қара сөз» кітабы сыйға таратылды.

joomlamodniyportal.ru

Comments

Д.А.Қонаев атындағы Жамбыл облыстық балалар мен жасөспірімдер кітапханасында "Бұл - халық игілігі!" қайырымдылық акциясы аясында "Балаларға базарлық!" кітап сыйлау шарасында дүниежүзі қандастарының "Отандастар" қауымдастығы облыстық бөлімшесінің төрағасы - АРҚАБЕК ТӨЛЕБАЕВ Қалдыбай Бектаевтың қазақша-орысша, орысша-қазақша "Сөздік" кітабынның 20 данасын сыйға тартты.

⠀

"Сөздік" кітабы - қазіргі кездегі қазақша-орысша сөздіктер ішіндегі екі тілдік сөздіктердің толығы.

⠀

Бұл сөздік үш бөлімнен құралған.

⠀

Бірінші бөлімі - қазақша-орысша сөздік 85 мың сөзді және сөз тіркестерін қамтиды.

⠀ Екінші бөлімі - орысша-қазақша сілтеме сөздік 25 мың орыс сөздерін қамтиды.

⠀

Үшінші бөлімі - 750-ден астам жалғауларды қамтиды және сөздерді жинақтаудың (синтезировать) алгоритмі көрсетілген.

⠀

Мұндай үш деңгейдегі сөздік екі толық көлемді қазақша-орысша және орысша-қазақша сөздіктерді қамтумен қатар грамматикалық ерекшеліктер негізінде қазақ тілін тиімді жолмен меңгеруге мүмкіндік береді.

Сөздік көпшілік қауыммен қатар студенттерге, мұғалім-оқытушыларға, ғылыми қызметкерлерге, аудармашыларға, жалпы қазақ тілін оқып білемін деген оқырмандарға арналған.

joomlamodniyportal.ru

Comments

Д.А.Қонаев атындағы Жамбыл облыстық балалар мен жассөспірімдер кітапханасы «Жылжымалы кітапхана» жобасы аясында Жамбыл Жабайұлының туғанына 175 жыл толуына орай, «Жамбыл – мәңгі жаңғырық!» кітап көрмесін Жамбыл облысы Тараз қаласының қорғаныс істері жөніндегі басқармасында ұйымдастырды.

⠀

Мекеме қызметкерлерін ұлы ақын, қазақтың ауызша поэтикалық өнерінің шебері Жамбыл Жабаевтың кітап көрмесімен, ақының өмірі мен шығармашылығы, Отанға деген сүйіспеншілікке толы шығармалары туралы материалдармен толықтай таныстырылды..

⠀ Көрмеге абыз жыраудың сирек және құнды кітаптары топтастырылып, шығармашылығы мен өміріне негізделген еңбектер қойылды. Көрменің басты қазынасына айналған әдебиеттер, Жамбылдың 1982 жылы "Жазушы" баспасынан жарық көрген "Ұлы Заң" өлеңдер жинағы.

Шығарманың 14 тілге аударылғанының өзі-ақ халық арасында қаншалық танымал болғанын сөзсіз жеткізеді. Қай тілде жазылмасын, әдебиет әлемі халықаралық тілде сөйлейді. Сондықтан, жауһар әдебиет әлем назарына ілікті.

Мырзатай Жолдасбековтың «Жамбыл Жабаев – Ұлы дала ақыны» кітабында кеңес кезеңіндегі ауыз әдебиеті мен ақын-жыраулардың сирек кездесетін еңбектері қаламға алынған. Сонымен қатар әрбір тақырып тарихи суреттерімен бейнеленген.

Көрмеде Н.Төреқұлов «Жүз жасаған бәйтерек», «Ел қадірін біл, балам», С.Садырбай «Фольклор және Жамбыл» т.б. көптеген кітаптары көрмеден орын алды.

"Жамбыл-мәңгі жаңғырық" кітап көрмесіне қойылған әдебиеттерді біздің кітапханадан таба аласыздар! Жүз жасаған абыз ақынның мұрасына көзайым болуға асығыңыздар!

joomlamodniyportal.ru

Comments