балалар мен жасөспірімдер кітапханасы

Жамбыл облыстық балалар мен жасөспірімдер кітапханасының ұйымдастыруымен «Қоғамдық сананы жаңғырту бағдарламасын іске асыру» аясында «Ұлттық салт-дәстүр әрқашан халықпен бірге болу керек» атты тарих мамандарымен кездесу кеші өткізілді.

 

 Іс-шараның мақсаты: жасөспірімдердің бойына халқымыздың рухани байлығын сіңіру, ұлтымыздың дәстүрлерінен үлгі алуға тәрбиелеу, қазақ халқының салт-дәстүрлері мен әдет-ғұрпының тәрбиелік мәнін ұғындыру, еліміздің болашағы келешек жастардың бойына адамгершілік қасиеттерін қалыптастыру, оларға халық өнегесін үйрету.  

Аталған іс-шараға Тараз инновациялық-гуманитарлық университетінің  оқытушысы ф.ғ. кандидаты – Абілов Меңлібай; Абай атындағы Жамбыл гуманитарлық колледжінің «Тарих» пәнінің мұғалімдері – Арықбаева Гүлнар және Оразымбет Гүлжанат; Керімбай атындағы №12 мектеп-гимназиясының «Тарих» пәнінің мұғалімі – Шартықбаева  Гаухар және Абай атындағы Жамбыл гуманитарлық колледжінің білімгерлері мен №12 және №34 мектептердің жоғары сынып оқушылары қатысты.

Шара барысында қатысушылар презентация арқылы қазақ халқының  салттары мен әдет-ғұрыптары туралы қысқаша мәлімет алды. Кеш қонақтары аталған тақырып бойынша өз баяндамаларын оқыды. Кездесу кешіне қатысқан білімгерлер және оқушылармен «Сыр сандық», «Қазақ мақал-мәтелдері» атты викториналық ойындар ойнатылды. №34 мектеп оқушылары 10 «ә» сынып оқушысы Алелов Ержан Құрманғазының «Балбырауын» атты күйін орындаса, осы мектептің 6 «ә» сынып оқушысы Нурова Сибора «Мереке» атты әнін шырқады. Іс-шара соңында «Салт-дәстүрім асыл қазынам» атты кітап көрмесіне шолу жасалды. Іс-шараға қатысқан қонақтар мен белсенді оқушылар марапатталып, кездесу кеш №43 мектептің 3 «ә» сынып оқушысы Жеңіс Ерғазының орындауындағы «Қазақстан» атты әсем әнімен аяқталды.

joomlamodniyportal.ru