балалар мен жасөспірімдер кітапханасы

Мемлекеттік тілдің мәдениетін көтеру, әдебиетті насихаттау, өз елін, жерін, Отанын, туған халқының тілі мен салт-дәстүрін қастерлейтін саналы да парасатты азамат етіп тәрбиелеу мақсатында 21 ақпан – Халықаралық ана тілі күніне орай Жамбыл облыстық балалар мен жасөспірімдер кітапханасының ұйымдастыруымен № 13 мектепте «Ана тілі –жүрек үні» атты танымдық сағат өткізілді.

 

Қазақстан Республикасының мемлекеттік тілі – қазақ тілі. Мемлекеттік тілді меңгеру – Қазақстан Республикасының әрбір азаматының парызы.

Іс-шара барысында кітапханашы оқырмандармен әңгіме, пікірталас жүргізіп, мемлекеттік тілді білудің маңыздылығы туралы түсінік беріп өтті. Осы мерекеге байланысты «Өлең сөздің патшасы...» тақырыбында тіл туралы өлеңдерден оқушылар арасында мәнерлеп оқудан сайыс өткізілді. Оқушылар сайысқа белсене қатысып отырды. Кітапханашы оқырмандарға әр түрлі сұрақтар қойып, тапсырмалар орындатты. Алдын ала берілген тапсырма бойынша оқушылар өз шығармашылықтарынан өлеңдер, эссе-шығармаларын оқыды.

Шара соңында «Тіл – әр халықтың байлығы» атты кітап көрмесіне ұйымдастырып, библиографиялық шолу жасалды.

joomlamodniyportal.ru