«Қонаев – ғасыр адамы» (кездесу кеші)

Жамбыл облыстық Д.А.Қонаев қоры және облыстық балалар мен жасөспірімдер кітапханасы қызметкерлерінің ұйымдастыруымен қаламыздағы №48 Т.Рысқұлов атындағы орта мектептің мәжіліс залында мемлекет және қоғам қайраткері Д.А. Қонаевтың 105 жасқа толуына орай «Қонаев – ғасыр адамы» атты мәдени іс-шара өткізілді.

Кездесу барысында ұлы қайраткердің көзін көрген облысымыздың ардагер азаматтары Б.Жаңабаев, Н.Сейдуалиев, М.Жаналіұлы естеліктерімен бөліссе, кітапханамыздың қызметкері ақын Қ.Демешов арнау өлеңін оқыды.

Кітапханашылардың «Ғасырдың дара перзенті» атты арнайы көрмесі іс-шараның ажарын айшықтай түссе, оқушылар дайындаған мерекелік бағдарлама көпшілік көңілінен шыққаны анық.

Кездесуді мектеп директоры А.Абдешова қорытындылап кеш қонақтарына Т.Рысқұлов өмірінен жазылған жаңа деректі кітаптарын сыйға тартты.