балалар мен жасөспірімдер кітапханасы

 Жамбыл облыстық балалар мен жасөсірімдер кітапханасында 2017 жылы діни экстремизм мен терроризмнің алдын алу бойынша семинарлық кестеге сәйкес 26 қаңтарда кітапхана қызметкерлерінің қатысуымен «Халықтың бастапқы терроризмге қарсы әрекеті және діни экстремизм» тақырыбында семинар дәріс өткізілді.

 Аталған семинарда Жамбыл облысы бойынша ҰҚКД-нің терроризмге қарсы орталығының қызметкері Нигметов Марат және Жамбыл облысы ішкі істер басқармасының экстремизмге қарсы іс-қимыл басқармасының қызметкері Тәжиев Малик Нарбаевич «Халықтың бастапқы терроризмге қарсы әрекеті» тақырыбында семинар дәріс оқыды. Берілген мәліметтер барысында, теріс ағымдардағы адамдардың қоғамға қауіпті екендігі, «нағыз» терроризм мен қоса «жалған» терроризм айтарлықтай мәселе тудырып отырғанын, телефондық террористер көбіне балалар мен жасөспірімдер болатынын, әрбір ата-ана өз балаларына терроризмнің қауіпті екендігі туралы түсіндіруі және мұндай жағдайда әрқайсымыздың мұқият болуымыз туралы айтылды. Қазіргі кезде елімізде бел алып бара жатқан 15000, ал облысымызда 1200 адамның бар екендігі және оларға шектеу қою жайында Парламентте арнайы заң қарастырылып жатқандығына тоқталды. Семинар соңында «Діни экстремизм мен терроризм» жайында арнайы дайындалған бейнероликтер көрсетіліп, қатысушылардың қойылған сұрақтарына жауап берілді. 

 

joomlamodniyportal.ru