Көрнекті мемлекет қайраткері Дінмұхамед Ахметұлы Қонаевтың туғанына 105 жыл

Бүгін Тараз қаласында Қазақ КСР Коммунистік партиясы Орталық комитетінің бірінші хатшысы Д.А.Қонаевтың туғанына 105-жыл толуына орай ескерткішіне гүл шоқтарын қою рәсімі өтті. Іс-шараға облыс, қала әкімдіктерінің өкілдері қатысты.

Гүл қою рәсімінен кейін шараға қатысушылар Жамбыл облыстық балалар мен жасөспірімдер кітапханасында арнайы ұйымдастырылған 8 бөлімнен тұратын кең көлемді «Ғасырдың дара перзенті» кітап көрмесі мен «Шын аты оның Тазалық пен Тектілік» атты электронды презентациясын тамашалады.
Презентация үстінде Оңтүстік Қазақстан облысының «Ботбай» ұрпақтарының өкілдері кітапханадағы ұйымдастырылған шараға ризашылығын білдіріп, Д.А. Қонаевтың портреті бейнеленген кілемді, Д.А.Қонаев атындағы Халықаралық қорының Жамбыл облыстық бөлімшесінің төрағасы, Жамбыл облысының құрметті азаматы А. Карентаев кітапханаға «Дінмұхамед Қонаев және Әулиеата өңірі» Естеліктер 1-кітабын, «Д.А. Қонаев» атты өмірі мен қызметі туралы брошюраны сыйға тартты.