Жамбыл облыстық балалар мен жасөспірімдер кітапханасы №42 мектептің 7 сынып оқушыларымен 22 желтоқсан – Халықаралық сыбайлас жемқорлыққа қарсы күрес күніне байланысты «Жемқорлық қоғам дерті» атты сабақ өткізді. Қазіргі кезде қоғамымызда қауіпті құбылысқа айналған қылмыстардың бірі, сыбайлас жемқорлық болып отыр. 1998 жылы 2 шілдеде «Сыбайлас жемқорлыққа қарсы күрес туралы» Қазақстан Республикасының заңы қабылданған болатын.

   Іс-шара барысында кітапхана қызметкерлері оқырмандарға Халықаралық сыбайлас жемқорлыққа қарсы күрес күні, жемқорлық, сыбайлас жемқорлық ұғымдары мен Қазақстан Республикасының «Сыбайлас жемқорлыққа қарсы күрес» туралы заңы бойынша ақпарат берді. Сыбайлас жемқорлықтың алдын алу шаралары, сыбайласқан құқық бұзушылық үшін жауапкершілік, азаматтардың құқықтары мен бостандықтары жайында әңгімелеп, сыбайлас жемқорлық көріністерінен туындайтын қауіп-қатерді оқырмандармен талқылап, кеңінен насихатталды.

            Жастардың сыбайлас жемқорлық туралы көзқарасын білу мақсатында оқырмандар арасында сауалнама жүргізіліп,

- сыбайлас жемқорлық мәңгілік деп ойлайсыз ба?

- жемқорлықты жоюға болады ма?

- мемлекеттік билік жемқорлықпен күресті неден бастау керек? т.б. сауалдар қарастырылып, оқырмандармен талқыланды.

joomlamodniyportal.ru