«Еліне елеулі Елбасы» (әңгіме-презентация)

Қазақстан Республикасының Тұңғыш Президенті күніне орай Жамбыл облыстық балалар мен жасөспірімдер кітапханасының ұйымдастыруымен «Еліне елеулі Елбасы» атты әңгіме-презентация өткізілді.

Іс-шараның мақсаты: жас ұрпаққа елбасымыз Нұрсұлтан Әбішұлы Назарбаев туралы терең мағлұмат беру; Елбасының өмірін, еңбек жолын үлгі-өнеге ете отырып, елжандылыққа, отансүйгіштікке, азаматтыққа баулу; Елбасының халқына сіңірген еңбегін, ерлігін, жүргізген саясатын үлгі ету. Туған жарге, Отанға деген сүйіспеншілігін арттыру; Ел болашағын ойлайтын, халқы үшін еңбек ететін, ұлттық санасы, құқықтық мәдениеті қалыптасқан жастарды тәрбиелеу.

Іс-шара Қазақстан Республиксының әнұранын орындаумен басталды.

Кітапханашы кіріспе сөзінде 1 желтоқсан – Қазақстан халқы үшін ерекше тарихи күн екендігін балаларға есіне салып, осы күннің маңыздылығына тоқталып өтті. Елбасының балалық шағы, өмір жолы, қызметі, жетістіктері, Елбасының кітаптары туралы слайд көрсетілімдерімен жалғасты. Еліміздің үлкен жетістіктерге дана басшылығының арқасында жеткендігі туралы ақпарат берді. Оқушылар Елбасы жайында оқыған кітаптарын, көрген фильмдердін айтып, Ұлт Көшбасшысына арналған өлеңдерін оқыды. Іс-шара соңында «Ұлт мақтанышы – Елбасы» атты кітап көрмесіне шолу жасалынды.