балалар мен жасөспірімдер кітапханасы

Жамбыл облыстық балалар мен жасөспірімдер кітапханасы Тәуелсіздіктің 25 жылдығы аясында «Қариялы ел – қазыналы ел» тақырыбында кітапхана ардагерлерімен кездесу кешін өткізді.

 

Іс-шараның мақсаты: жас мамандарға ардагерлердің еңбек жолын үлгі тұту, үлкенді сыйлай білуге және аталы сөзден ғибрат алуға тәрбиелеу. Іс-шара барысында шақырылған қонақтарымызға арнайы сөз беріліп, өмірлерінің қызықты кезеңдерімен бөлісті. Кітапхана ұжымы ардагерлерімізге ән шырқап, өлеңдер оқыды. Шақырылған қонақтарымыз да ән айтып кездесу кешін қызықты өткізді. Сонымен қатар арнайы кітап көрмесі жасалып, слайд көрсетілді. Іс-шара соңында ардагерлерімізді Тәуелсіздіктің 25 жылдық мерекесімен құттықтап, сыйлықтар ұсынылды. Кітапхана ұжымында Тәуелсіздігімізбен құрдас қызметкеріміз Сағатбекова Нұргүлге де сый құрмет көрсетілді. Кездесу кешіне қатысқан оқырмандарымыз үлкен кісілердің сөздерінен үлгі алып, өнегелі ой түйді.

joomlamodniyportal.ru