Жамбыл облыстық балалар мен жасөспірімдер кітапханасының ұйымдастыруымен Желтоқсан оқиғасының құрбаны – Қайрат Рысқұлбековтің ескерткішінің жанында Қазақстан Республикасы Тәуелсіздігінің 25 жылдығына орай «Асқақтай бер, айбынды Қазақстан!» атты мерекелік                 іс-шара өткізілді.

 

        Аталған шараға №43 орта мектептің оқушылары мен мұғалімдері қатысты.

        Іс-шарада Тәуелсіздік, желтоқсан оқиғасы, қазақ халқының Тәуелсіздікке жету жолында көрген қиындықтары, Тәуелсіздік үшін құрбан болған асыл ерлеріміз туралы айтылып, оқырмандарға көптеген мәлімет берілді.

        Іс-шара барысында №38 мектептің оқушылары Есіркепов Ислам мен Есіркепова Луиза және №43 мектептің оқушысы Шакиш Нұрлыбек жырдан шашу төксе, Ерғазы Жеңіс, №7 мектептің оқушысы Умирбаева Аруна мен №43 мектептің жігіттерінен құралған топ  ән шырқады.Оқырмандар арасында желтоқсан, тәуелсіздік тақырыптары  бойынша ойын ойнатылды.

        Іс-шараға байланысты «Тәуелсіздік – тұғырым» атты кітап көрмесі жасалып, көрмеге библиографиялық шолу жасалды. Мерекелік кеш Мамытбаева Диананың орындауындағы әсем әнмен аяқталды.

joomlamodniyportal.ru