балалар мен жасөспірімдер кітапханасы

Жаз айында кітапханаға оқырмандарды көптеп тартып, бүлдіршіндерді кітап патшалығымен таныстырып, оқуға қызығушылығын тарту мақсатында кітапхана тек мектеп оқушыларымен ғана емес, сонымен қатар балабақшалармен де әрдайым тығыз байланыста жұмыс атқарады. Оның бір айғағы балабақша бүлдіршіндеріне арнап өткізілетін «Ертегілер еліне саяхат» атты экскурсия.

 Экскурсияға келген бүлдіршіндерді кітап Ханшайымы мен Тазша бала, Мақта қыз қарсы алып өз патшалықтарына саяхатты бастап кетті. Олар қонақтарды Абонемент, Оқу залы шаһарларымен таныстырып, патшалықтағы ең әдемі, ең сиқырлы шаһар - «Ертегі әлеміне» жеткізді. «Ертегі» шаһарының тұрғындары (ертегі кейіпкерлерінің кейіпіндегі кітапхана қызметкерлері) бүлдіршіндерге мұндағы ең құнды байлық - кітаптармен таныстырды. Бүлдіршіндердің назарына «Аруна» баспасынан шыққан ашылмалы, әрбір парақшасы ғажайып бейнелі кітапшалар («Қызыл телпек», «Голоса дикой природы», «Ертегілер әлемінде»), бейне-аудио дискілі, дүрбілі кітаптар («Кинотеатр», «Дара мен алаяқ түлкі», «Сауық кеші»), таңғажайып басқатырғыш (пазл кітаптар «Аспан әлемі»), 3D форматтағы («Золушка», «Спящая красавица», «Ганс и Грета») және т.б көздің жауын аларлық көптеген кітаптар ұсынылды. Ал саяхат соңында Тазша бала бүлдіршіндерге тосын сый жасап «Мақтаншақ қыз» және «Қошқар мен теке» мультфильімдерін көрсетті.