балалар мен жасөспірімдер кітапханасы

Абонемент секторының ұйымдастыруымен «Абай жолы» роман эпопеясының – 45 жылдығына орай «Абай шыққан биікке талпыну» атты оқырман конференциясы өткізілді. Конференцияға №49 мектептің жоғарғы сынып оқушылары қатысты.

Іс-шараның мақсаты: эпопеяның өн бойындағы Абай дәстүрі, ұлылар үндестігі жайлы түсініктерін қалыптастыра отырып, оқушыларды ғылыми ізденіске жұмылдыру. «Абай жолы» роман – эпопеясынан алған білімдерін жинақтау, қайталау, іздендіру, зерттеу жұмыстары арқылы шығармашылық жұмыстарға жетелеу.

Шара барысында М. Әуезовтің «Абай жолы» романының 1-2 кітабы бойынша оқушылар арасында тақырыпқа байланысты талқылау жүргізілді. Талқылауға оқушылардың көпшілігі белсене қатысты. Бұл конференциядан әдебиет сүйер қауым өздеріне рухани азық алып, қуанышпен тарқады.