балалар мен жасөспірімдер кітапханасы

Чернобыль атом электр станциясында болған қайғылы жағдайға 30 жыл толуына орай бүлдіршіндер секторында «Атом жарылысының зардабы» информ-көрме ұйымдастырылды. Көрменің мақсаты: Чернобыль апатының тарихын, апат салдарын жоюға аттанғандардың ерлігін өскелең ұрпаққа насихаттау.

1986 жылдың 26-ші сәуірі барлық әлем халқының есінде мәңгілік қалатын қаралы күн. Дәл осы күні адамзат тарихында ең үлкен зұлмат жарылыс орын алды. Чернобыль атом станциясы жарылды. Биыл бұл сұмдықтың болғанына 30 жыл толып отыр. Арада осынша уақыт өтсе де оқиғаның жаңғырығы естен шығар емес.

Қазіргі оқушылар осы қайғылы оқиға мен аға буын өкілдірінің еңбектерін бірі білсе, бірі білмейді. Осы оқиғамен оқырмандарды таныстыру үшін, ақпарат беру үшін көрмеге кітаптар мен мерзімді басылымдар, баспасөз бетіне физиктердің, дәрігерлердің, саясаткерлердің осы апат жайлы айтқан ойлары бар мақалалар қойылды.