12 сәуір - Ғарашкерлер күніне орай Жамбыл облыстық балалар мен жасөспірімдер кітапханасының бүлдіршіндер секторы оқушылардың ғарыш туралы түсініктерін кеңейту және еліміздің әлемге танымал ғарышкерлері туралы білімдерін молайту, патриоттық сезімге баулу мақсатында «Мен косомс туралы не білемін?» атты информ-дайджест іс - шарасын өткізді. Іс-шара № 18 мектептің төменгі сынып оқушыларының қатысуымен өтті.

Кітапханашы слайд арқылы, оқушыларға ғарыш, Галактика туралы көптеген мәліметтер беріп, сұрақтар қойып оқушыларды қызықтыра білді. Алғаш ғарышқа ұшқан адам Ю.А. Гагарин, В. Терешкова және Қазақ еліндегі ғарышкерлер Т. Әубәкіров, Т. Мұсабаев, А.Айымбетов жайында ғұмырнамалық деректер айтылды. Іс-шара тақырыпқа байланысты, әлемдегі теңдесі жоқ «Байқоңыр» ғарыш айлағы, обсерваториялар, телескоптар, ғарыш станциялары жөнінде айтылып, сондай-ақ оқушылар арасында күн жүйесі, ғаламшарлар, аспан денелері жайында сұрақ-жауап түрінде мәлімет алмасу арқылы жалғасты.

Іс-шара соңында оқушылар өткен шараға байланысты өз ойларын білдіріп, кітапханаға келіп әлі де талай сұрақтарына жауап алатындарын айтты. Шара соңында кітап көрмесіне шолу жасалды.