балалар мен жасөспірімдер кітапханасы

Кітапхананың абонемент секторы Чернобыль атом электр станциясындағы апаттың экологиялық зардаптарын көрсетіп, қайғылы апатта ерлік көрсеткен адамдардың батылдығын үлгі ету мақсатында №12 мектеп-гимназия оқушыларының қатысуымен «Ерлік кездейсоқ болмайды» атты сұрақтар мен жауаптар кешін ұйымдастырды.

Кеш басында кітапханашы Чернобыль апатының салдарынан болған радиациялық ластануының адам денсаулығына тигізген зияны мен зардаптары туралы кең көлемде ақпарат беріп өтті. Сондай-ақ Чернобыль атом-электр станциясындағы апатты жоюға қатысқан жауынгерлердің ерлігі мен жігері жайында әңгімеленіп, ауқымды мағлұмат берілді. Олар өмірлерін, денсаулықтарын пида етіп, өз борыштарын орындауда, адамдарды радиацияның зиянды әсерінен қорғап, радиацияның әрі қарай таралуына тосқауыл болды. Оқушылар арасында тақырыпқа байланысты сұрақтар қойылып, жауаптар талқыланды. Апаттың ізін суытпай жасалған және одан кейінгі жылдары жүзеге асырылған төтенше шығынды шараларға қарамастан Чернобыль атом электростанциясы әлі күнге дейін Еуропаның кіндігіндегі әлеуметті қауіп ошағы болып қалуда.