Дүниежүзілік денсаулық күніне байланысты ақпараттық-библиография секторының ұйымдастыруымен «Салауатты өмір – нұрлы болашақ» атты мамандар күні өткізілді.

Аталған шараға Жамбыл медициналық колледжінің «Салауатты өмір салтын қалыптастыру орталығының төрайымы-Тасыбаева Анель Жүнісбекқызы, Жамбыл медициналық колледжінің оқытушы мамандары – Парманова Алтынай Тамбесовна, Кудебаева Эльмира Жандарбековна және «Мейірбике ісі» тобы мен «Емдеу ісі» топтарының білімгерлері қатысты. Іс-шарада денсаулық, салауатты өмір салтын қалыптастырудың тиімді жолдары, зиянды әдеттерден аулақ болу тақырыптары төңірегінде сөз қозғалды. Жамбыл медициналық колледжінің «Салауатты өмір салтын қалыптастыру орталығының төрайымы – Тасыбаева Анель Жүнісбекқызы салауатты өмір салтын қалыптастыру мақсатында білімгерлермен жасалып жатқан жұмыстары жайында айтты. Іс-шара алты бөлімнен тұратын (Таныстыру, мақал-мәтелдер, «Бұл не?» ойын, тапқырлық, сұрақ-жауап, өнер сайысы) «Біз салауаттылықты қолдаймыз» атты сайысқа ұласып, оған «Адал жандар» және «Жүрек топтары» қатысты. Сайыстың қорытындысы бойынша «Адал жандар» тобы жеңіске жетті. Іс-шараға байланысты жасалған көрмеге библиографиялық шолу жасалып, мамандар күні кітапханаға экскурсия жасаумен аяқталды.