Мерзімді басылымдар секторының ұйымдастыруымен «Мейірім» мектеп – интернат оқушыларының қатысуымен «Ертеңіңді ойласаң – есірткіге жолама» атты денсаулық сағаты өткізілді.

Іс-шара жастарды салауаттылыққа тәрбиелеу, темекі, алкаголь ішімдіктері, есірткі және басқа да тәуелділікке ұшырататын зиянды іс-әрекеттердің алдын-алу мақсатында өткізілді. Шара барысында кітапханашы жастарға салауатты өмір сүрудің артықшылығын, зиянды заттардың тұңғиыққа апарар жол екенін айтып жан-жақты сақтандыру, қоғамдағы әрбір саналы азаматтың борышы екенін айтып түсіндірді. Кітапханашы оқушылардың санасына денсаулыққа зиянды әдеттің бірі – нашақорлықтың зардаптары туралы біраз мағлұматтар беріп, арақ, темекі, наша қолдану секілді зиянды әдеттерден аулақ болып жүрулерін ескертті.