балалар мен жасөспірімдер кітапханасы

Жамбыл облыстық балалар мен жасөспірімдер кітапханасы балалардың кітапханаға қызығушылығын арттыру, білімдерін жан-жақты жетілдіру мақсатында Халықаралық балалар кітабы күніне орай «Балалардың күлкісі - көркі, сәні әлемнің» атты әдеби - микс сағатын өткізді. Мерекелік іс - шара мүмкіндігі шектеулі балаларға арналып ұйымдастырылды.

Кітапханашылар шара басында балаларға мерекенің шығу тарихы туралы мәлімет беріп, кітап көрмесіне қойылған жаңа дыбыстық, понарамалық және ертегі кітаптармен таныстырды. Балалардың назарына «Кітап әлеміне саяхат» атты слайды ұсынылып, арнайы ойындар мен сұрақ - жауаптар ұйымдастырылды. Кітапханашы балаларға кітапханада шағын саяхат жүргізіп, және жаңа әдебиеттермен таныстырды. Ал мереке соңында балаларға шараға белсенді қатысқандары үшін сыйлықтар мен грамоталар табыс етілді. Балалар мен ата-аналар ризашылықтарын білдіріп, жақсы көңіл-күймен қайтты.