балалар мен жасөспірімдер кітапханасы

Оқырмандарды ақынның өнегелі өмірімен таныстырып, шығармаларына шолу жасап, өлеңдері мен әндерін насихаттау мақсатында Жамбыл облыстық балалар мен жасөспірімдер кітапханасы жерлес ақын, жазушы, журналист Серік Томановтың 60 жыл толуына орай «Жалындаған ғұмыр, жарқылдаған жырлар» атты еске алу, әдеби сазды кешін өткізді.

Кеш қонақтары болып Жамбыл облыстық мәдениет басқармасының мәдениет және өнер бөлімінің бас маманы Ж.Құттыбаева, С.Томанов атындағы жүлденің иегері Азамат Есалы, облыстық филармония әншілері Ғани Мәтебаев пен Маралбек Бабақұлов, Сәрсенбек Бәкірдің жас шәкірті және С.Томановтың жары Оразбаева Бибігүл апайымыз келді. Кеш барысында ақын С.Томановтың жазған өлеңдерімен әндерін жас шәкірттері орындады. Бүгінде оның өлеңдерін ҚР еңбек сіңірген қайраткері Мейрамбек Беспаев, «Нұр-Мұқасан» тобы, сазгер Сәрсенбек Бәкір, Маралбек Бабақұлов, Ғани Мәтебаев сияқты әншілердің орындап жүргендері ескерілді. Сондай-ақ осы кеште С.Томанов туралы деректі фильм қонақтардың назарына ұсынылып, ақынның шығармашылығына шолу жасалды. Кеш соңында Бибігүл апайға сөз беріліп, құрмет көрсетілді. Кеш қатысушылары жағымды әсер алды. Кештің өткені туралы Жамбыл-Тараз телеарнасы көрсетті.