балалар мен жасөспірімдер кітапханасы

Қазақ халқының ұлы ақыны және ағартушысына арнап Жамбыл облыстық балалар және жасөспірімдер кітапханасында «Абайды тану мұрат» атты кітап көрмесі ұйымдастырылды.

Мұнда Абайдың мақалалары мен зерттеулері, шығармалары, (Абай қалың елім қазағым... Өлеңдер.-Алматы: Атамұра, 2002.-224 бет., Абай. Мақсатым-тіл ұстартып, өнер шашпақ (өлеңдер, аудармалар, қара сөздер) /Алматы,”Білім”, 2013.-320бет, Абай Өкінішті көп өмір кеткен өтіп...: Өлеңдер, поэмалар, қара сөздер.-Аламты: Раритет, 2008.-384 бет. және тағы да басқа шығармалары ұсынылды.

Абай қазақтарға ойлау мен танымның жаңа жүйесін ұсынды. Ол қазақ даласында алғаш рет ағартушылық пен білімді өмірлік ұстаным деңгейіне көтерді. Ақын өзінің «Қара сөзінде» жас ұрпаққа: «Тегінде, адам баласы адам баласынан ақыл, ғылым, ар, мінез деген нәрселермен озбақ. Онан басқа нәрсеменен оздым ғой демектің бәрі де - ақымақтық» деп өсиет қалдырған. Абайдың рухани мұрасы осы көрмеде жинақталған. Абай өзінің өсиетінде не туралы жазса да, не туралы ойласа да өз халқын беріле сүйген және оның тағдырына алаңдайтын ұлы кемеңгер бейнесін көреміз.