Жамбыл облыстық балалар мен жасөспірімдер кітапханасының ұйымдастыруымен ақиық ақын Мұқағали Мақатаевтың 85 – жылдығына орай «Жыр дүлділі Мұқағали» атты өнеге сағаты өткізілді. Іс-шараның мақсаты: жастарға ақынның өмірі мен шығармашылығын насихаттау, оқырмандарды мәнерлеп оқуға дағдыландыру, отаншылдыққа, сүйіспеншілікке, ақынның парасатты поэзиясы арқылы адамгершілікке тәрбиелеу.

Іс-шара барысында қатысушыларға ақынның өмірі мен шығармашылығы, ақынның поэзия әлемі, әндері жайлы айтылып, оқушыларға сұрақтар қойылып, оқушылар оған өздерінің ұтымды жауаптарын берді.

Кітапхана қызметкерлері тарапынан Мұқағалидің өмірі мен шығармашылығына байланысты слайд жасалып, оқушылар ақынның өлеңдерін мәнерлеп оқыды. Шара соңында «Мұқағали – мәңгілік ғұмыр» тақырыбындағы кітап көрмесіне библиографиялық шолу жасалып өтті.