2016 жылдың 19 ақпанында Жамбыл облыстық балалар мен жасөспірімдер кітапханасы «Қоғамдық келісім» мекемесімен бірлесіп «Келешек жастардың қолында» атты конференция өткізді. Конференцияның мақсаты: жастар саясатын өсіріп, болашақта қолдау көрсетіп, әлеуметтік және экономикалық жағынан қамтамасыз ету.

Конференцияға Жамбыл облысы әкімдігінің «Қоғамдық келісім» КММ әдіскері Құлмамбетова Гүлназ Тілеуханқызы, №2 мектептің мұғалімдері мен директордың орынбасары Шелокова Татьяна Александровна, Байзақ ауданы әкімдігінің ішкі саясат бөлімінің «Жастар орталығы» Комуналдық мемлекеттік мекемесінің қазақ тілі маманы Айтуғанов Жангелді, ТИГУ университетінің 3 курс студенттері, оқытушылары Сериев Танат Набиханұлы мен Мырзапайзова Гүлшат және де №12 мектептің 9 «б» сынып оқушылары қатысты. «Келешек жастардың қолында» атты тақырыбында өткен конференцияда жастарымыз еліміздің болашағына деген көз қарастары мен ой-пікірлерін ортаға салып. Конференция барысында «Жастар орталығы» Комуналдық мемлекеттік мекемесінің қазақ тілі маманы Айтуғанов Жангелді де өз пікірін айтып, жастардың болашаққа деген сенімділігін ұялатты. Сонымен қатар Қазақстан Республикасының рәміздері туралы 2 бөлімнен тұратын ауызша журнал өткізілді. Конференция соңында Жамбыл облыстық балалар мен жасөспірімдер кітапханасының директорының орынбасары Айтжанова Жанат Дүкенбайқызы қорытындылап, қатысқандарға сәттілік тіледі.