Жамбыл облыстық балалар мен жасөспірімдер кітапханасының оқу залы Ұлт-азаттық көтеріліске-100 жыл толуына орай №13 мектептің жоғарғы сынып оқушыларының қатысуымен «Қазақтық пен азаттық» тақырыбында тарихи сағат өткізді.

Іс-шараның мақсаты: Жас ұрпақтың бойына ұлтжандылық, отаншылдық тәрбие беру.

Кітапханашы тарих беттерін парақшалап, оқушыларға көтерілістің шығу себебін, көтерілісте құрбан болған қазақ зиялылары туралы айтып, «Амангелді» фильмінен үзінді көрсетті. Сондай-ақ, оқырмандарды «Ұлт-азаттық көтеріліске - 100 жыл» атты кітап көрмесімен таныстырды.