балалар мен жасөспірімдер кітапханасы

Кітапханаға оқырмандарды тарту мақсатында және «Жақсылық жаса» акциясы аясында кітапхана қызметкерлері мүмкіндігі шектеулі балалардың үйлеріне қатынас жасап, кітапхана атынан апарған сыйлықтарды (дыбыстық әріптер сандығы және былғары доп) табыстап,әрі қарай кітапхана оқырманы болуға шақырды. Біз қатынаған бала Әзімқұл Бекнұр 2003 жылы туылған, бала жастан мүгедек. Оқырман балаға арнайы қызықты «Аруна» баспасынан шыққан ашылмалы, ғажайып бейнелі кітапшалар («Іскер аюлар отбасы», «Кішкентай маймыл», «Көңілді көжек»), таңғажайып басқатырғыш (пазл кітаптар «Теңіз әлемі»), дыбысты кітаптар (« Аспаздар үні», «Үй жануарлары») және т.б. көздің жауын аларлық көптеген кітаптар ұсынылды. Бекнұр жаңа кітаптармен танысып, кітапханаға оқырман болғысы келетінін жеткізді. Анасы алғысын білдіріп, оқырман ретінде тіркеліп ұнатқан «Іскер аюлар отбасы» кітабын оқуға алып қалды.