Елбасы ұсынған «Бес халықтық реформа - ұлттық жасампаздық жоспары» бойынша Қазақстанды әлемнің ең дамыған мемлекеттердің отыздығына кіргізетін «100 нақты қадам» - Ұлт жоспары жасалынды. Мұнда Қазақстан Халқы Ассамблеясына үлкен мән беріліп, «Үлкен ел - Үлкен отбасы» арнайы жобасы жүзеге асырылуда. Жамбыл облыстық балалар мен жасөспірімдер кітапханасы «100 нақты қадам» бағдарламасы аясында «Үлкен ел - Үлкен отбасы» жобасына өз үлестерін қосу мақсатында кітапханашылар Амиркулова Г.Е. мен Расулова М.А. ұйымдастыруымен «Тілі басқа, тілегі бір» атты халықтар достығы фестивалін өткізді.

Іс-шараға қонақ ретінде «Радониш» орыс этно - мәдени орталығынан - Беляева А.А., ұйғыр этно - мәдени орталығынан - Касимова Н. және неміс этно - мәдени орталығынан «Ақ желкен» жастар лигасының мүшесі - Бурмакина Д.В. қатысып, өз өнерлерін ортаға салып, оқырмандармен достық туралы пікірлерімен бөлісті. Бұл шараға Ы.Алтынсарин атындағы №49 мектеп-гимназияның жазғы лагерь оқушылары әр ұлт өкілдерінің ақындарының өлеңдерін жатқа оқып қана қоймай, әсем әндерін де сыйлады. Іс-шараны барша қатысушылар бәрі бірігіп Қазақстанның Әнұранын орындап, «Үлкен ел - Үлкен отбасы» екендігін айқындап, «Бірліктің бесігі» атты кітап көрмесіне шолумен аяқтады.