балалар мен жасөспірімдер кітапханасы

2 маусымда Жамбыл облыстык балалар мен жасөспірімдер кітапханасында халықаралық балаларды қорғау күніне орай «Менің Қазақстаным – менің жерім» тақырыбында іс-шара өткізілді. Кештін мақсаты: оқушыларға адам құқықтары жайлы,оның ішінде бала құқығы жөнінде түсінігін кеңейту, әрбір адам өз құқығын біліп, өзгенің құқығын бұзбауға үйрету, құқықтық тәрбие беру. Әр бала өз пікірін айтуға құқылы екенін түсіндіру. Балалардың жеке қасиеттерін дамыту, тақпақ, өлең, әндерді нақышына келтіріп айтуға үйрету. Бір-бірін сыйлауға, адамгершілік қасиеттерін жоғалтпай ұстауға жетелеу.

Бұл әңгімеде бүкіл әлемде 1 маусым халықаралық балаларды қорғау күні аталып өтуде. Кітапханашы бүл күнді тек біздің ел ғана емес, 1949 жылдан бері әлемнің көптеген елі тойлайды деп түсіндіріп өтті. Тұңғыш рет 1950 жылы аталып өткен халақаралық балалар күнінің өз жалауы бар. Бұл жалауда жер шарын қоршаған түрлі бала бейнеленген. Халықаралық балалар күні әлемнің түпкір-түпкіріндегі балаларға қуаныш сыйлайтың мейрам ғана емес, кішкентай балалардың құқығын қорғап, оларға қамқор болуға, әлімжеттік, қысым жасамауға үндейтін мейрам. Оқушылардың құқықтық сана-сезімін қалыптастыру, заң алдындағы жауапкершілігін арттыру, өз құқықтары мен міндеттерін білуге түсінік берілді. Жаздың бірінші күнімен келіп жеткен айтулы мерекемен барша балақайларды құтықтап тілектер айтылды, сонымен қатар мультфильм көрсетілді. Оқушылар ризашылықтарын білдіріп, жақсы көңіл-күймен тарқасты.