балалар мен жасөспірімдер кітапханасы

Білімнің кітап арқылы берілетінің ұғындыру, кітаптың адам өміріндегі маңызы бар, ғылым мен білімнің пайдасы жайлы түсіндіру, жас оқырманның кітапқа деген қызығушылығын арттыру, қоғамдағы кітаптың рөлін көтеру мақсатында мерзімді басылымдар секторында Төле би атындағы  №8 гимназиясының 6 «б» - сынып оқушылары мен ұстаздарымен бірлесе отырып «Кітапхана – қымбат қазына» тақырыбында кітапханаға саяхат ұйымдастырылды.

Кітапхана – баспасөз шығармаларын жинау, сақтау, кітаптарды пайдалану ісін ұйымдастыратын және оқырмандарға насихаттайтын мекеме екенін айта келе,   жас оқырмандарды кітапхананың оқырмандарына қызмет көрсету бөлімдерімен кітапхананың ережесімен  таныстырып, адамзаттың ақыл - ойы ойлап тапқан  ғажайып керемет дүниелерінің  бірі - кітап екенін, кітапсыз білімде, ғылым да болмайтындығын түсіндіру.

Сондықтан да кітапты барынша күтіп, ұқыптап  ұстау керектігі айтылды.  «Кітап- қымбат қазына» слайды көрсетілді. Слайдта кітап туралы нақыл сөздерге тоқталып,   сауалнамаларға барынша ынтамен жауап беріп, кітап туралы мақал-мәтелдермен  өз ойларын бөлісті. Оқығаны, тоқығаны көп болса жеңілмейтін жау, алынбайтын қамал жоқ екенін дана халқымыздың сөзі,  «Білікті бірді жығады, білімді мыңды жығады»,-деген сөзімен саяхатымызды қортындыладық.