балалар мен жасөспірімдер кітапханасы

Қазақ поэзиясының Хантәңірі

Поэзия кеші

Ақынның өмірімен, еңбек еткен жылдарын, шығармаларымен аудармалары жайлы түсінік беру. Мұқағали поэзиясымен таныстыру мақсатында облыстық балалар мен жасөспірімдер кітапханасының кітапханасында саңырау және нашар еститін балаларға арналған облыстық арнайы түзету   «Мейірім»

мектеп-интернатының оқушылары мен ұстаздарының қатысуымен «Қазақ поэзиясының Хантәңірі»  атты поэзия кеші ұйымдастырылды. Мұқағали поэзиясының қайнар көзі, шабыт тұғыры туған елі, өскен жері, Отан тағдыры, замана тынысы, замандастарының арман аңсары. Осының бәрін Мұқағали жас дарынға тән қайталанбас шеберлікпен, тәңірдің таңдайынан төгілгендей поэтикалық мінсіз үйлесіммен, әр жүрекпен тіл табысар сыршыл да шыншыл сезіммен, нағыз поэзияға ғана тән бейнелі образдармен бедерлеп, өлмес өнер деңгейінде  көрсете білген ақынның өмірбаяны  қысқаша айтылып, ақынның  өмір жолының хронологиялық тізбесімен таныстырылды. Көкірегі қилы сезімге толы, өнер өрісін кең ашқан ақын өлеңдері айтылып,  жүректері тербелді. Бір күндік сәуледей ағып өткен қысқа ғұмырында Мұқағали артына ұланғайыр мұра қалдырып кеткендігін  оқушылар өлең жолдарымен жеткізді. «Қалды мәңгі өшпейтін жырға айналып» атты кітап көрмесіне шолу жасалды.