Кітапханада шілденің алғашқы жексенбісі - ұлттық домбыра күніне орай қазақтың ұлттық аспаптары, ұлттық музыканы, оқырмандарды дәстүрлі музыка өнеріне баулу мақсатында «Домбыра – дала киесі» флешинфо ұйымдастырылды.

Мерекелік кеш мемлекеттік шығармашылық тапсырыс аясындағы балалар домбыра үйірмелерінің орындауындағы «Балбырауын» күйімен ашылды.

Іс-шара барысында мемлекеттік шығармашылық тапсырыс аясындағы балалар домбыра үйірмелері, «Нұр-ай» би тобы, «Інжу» өнер-білім орталығы, «Смарт» өнер мектебі, «Ақыл сыры» білім өнер мектебінің өнерпаздары өнерлерін ортаға салды. «Домбыра-дала киесі» атты кітап көрмесінде кітапхана қызметкерлері ұлттық аспап домбыраның шығу тарихын, маңызын, домбыра түрлеріне шолу жасады.

Іс-шара соңында патриоттық ән шырқалып, көрермендерге көтеріңкі көңіл күй сыйлады.

joomlamodniyportal.ru