Д.А.Қонаев атындағы облыстық балалар мен жасөспірімдер кітапханасының ұйымдастыруымен Жамбыл политехникалық жоғары колледжі білімгерлерінің қатысуымен қазақ әдебиетінің көрнекті жазушысы, ХХ ғасырдағы қазақ прозасының классигі, мемлекеттік сыйлықтың лауреаты Әбдіжәміл Нұрпейісовтің туғанына 100 жыл толуына орай «Халық жазушысы – Әбдіжәміл Нұрпейісов» тақырыбында танымдық кеш өткізілді.

Танымдық кеште оқырмандарға жазушының өнегелі өмірінен бейнебаян көрсетіліп, қазақ әдебиетінің дамуына қосқан ауқымды еңбектері туралы ақпарат берілді.

Жазушының қаламынан шыққан «Курляндия», «Қан мен тер», «Соңғы парыз» шығармаларынан үзінділер келтіріліп, оқырмандар арасында кеңінен насихатталды.

Шара соңында оқырмандар халық жазушысының және де ол туралы жазылған ақын-жазушылардың қанатты сөздерін айтып, тақырыпқа сай жасалған кітап көрмесіне библиографиялық шолу жасалды.

joomlamodniyportal.ru