Д.А.Қонаев атындағы облыстық балалар мен жасөспірімдер кітапханасының ұйымдастыруымен және Абай атындағы Жамбыл гуманитарлық жоғары колледжінің қатысуымен 1 желтоқсан ЖИТС-пен күресу күніне орай «ЖИТС-тің жұғу көздері және жұғу жолдары» атты мамандар кеңесі өтті.

Іс-шара барысында профилактика бөлімінің меңгерушісі Иманбекова Гүлжан Мұқановна, Абай атындағы Жамбыл гуманитарлық жоғары колледжінің білімгерлері және кітапхана оқырмандары қатысты.

Шара барысында кітапханашы жалпы ЖИТС ауруының шығу тарихына тоқталып, көптеген әдебиеттерді оқуға кеңес берді, ЖИТС-ке қарсы күрес және алдын-алу мамандар Қазақстан бойынша және облысымызда жүргізілетін жұмыстары туралы және ЖИТС ауруы, АИТВ инфекциясының берілу және емдеу жолдары туралы толық мағлұмат берді.

Оқырмандар да өз пікірлерін ортаға салып, «Нашақорлық – ғасыр дерті» атты кітап көрмесімен танысты.