Ұлы тұлға, мемлекет және қоғам қайраткері Дінмұхамед Ахметұлы Қонаевтың дүниеден озғанына биыл 30 жыл. Жас ұрпаққа патриоттық сүйіспеншілік сезімін ояту, үлгі алуға, құрметтеуге тәрбиелеу мақсатында қайтқан күніне орай «Болашақ» балалар сауықтыру лагерінде «Қонаев - ғасыр адамы» ақпараттық еске алу сағаты ұйымдастырылды.

Оқырмандарға ҚазССР Ғылым академиясының Президенті, академик, үш мәрте Социалистік Еңбек Ері Дінмұхамед Ахметұлы Қонаевтың өмірбаяны, шығармалары жайында ақпарат беріліп, еңбек еткен жылдары толықтай таныстырылды.

Қазақстанның әр қаласында Қонаев атымен аталатын көшелер, мектептер, жоғарғы оқу орындарын көп кездесетіні айтылды.

Оқырмандарға викториналық сұрақтар қойылып, көп жұлдызша алған белсенді қатысушыларға тәтті сыйлықтар таратылып, кездесу соныңда «Қонаев - ғасыр адамы» кітап көрмесі таныстырылды.