«Болашаққа жоспар жаңа оқу орнымен» колледждер апталығы

«Болашаққа жоспар жаңа оқу орнымен» жобасы аясында «Нұрғиса Тілендиев атындағы көп балалы және аз қамсыздандырылған отбасы балаларына арналған мектеп-интернаты», Керімбай атындағы №12мектеп-гимназиясының 9-10 сынып оқушыларының қатысуымен колледждер апталығының үшінші күні өтті.

Мектеп түлектеріне қаладағы беделді, арнаулы оқу орны Жамбыл политехникалық жоғары колледжінің өндірістік оқыту шебері Ақатаев Доссерік Орынбасарұлы, «Жыр жазамын жүрегіммен» атты клубының жетекшісі Боранов Мұқағали, колледж оқытушысы Туғамбаева Асем Турдалиевна, сонымен қатар «Тараз мамандандырылған» колледжінің оқытушысы Жапаркулова Жұмагүл, колледж студенттері Асан Маркс пен Черков Алексей оқу орындарының құрылу тарихынан бастау алатын бейнеролик көрсетіп, колледждердің оқыту деңгейлеріне, мектеп түлектерінің шығармашылық емтихандарға қатысуға өтініш беру мерзіміне тоқталып өтті. Жамбыл политехникалық колледжінің тарапынан көптеген үйірмелер жұмыс жасайтыны, талапкерлер үшін ең тиімді оқу орны екені айтылды.

Іс-шара соңында колледж оқытушылары мектеп түлектерінің сұрақтарына жауап беріп, болашақ маман иелеріне жаднама парақшаларын таратты.