Жасөспірімге қоғамның әлеуметтік, құқықтық, діни сипаттарын ұғындыра отырып оларды террорлық, лаңкестік және діни экстремистік бағытта арандатуға жол бермеуге насихаттау мақсатында Д.А.Қонаев атындағы облыстық балалар мен жасөспірімдер кітапханасының ұйымдастыруымен «Терроризм қауіп-қатерінен сақтану жолдары» тақырыбында құқық алаңы өткізілді.

Іс-шараға С.Қ.Нұрмағамбетов атындағы №10 орта мектептің 9-сынып оқушылары қатысты. Шара барысында оқырмандарға терроризм ұғымына, түрлеріне, қай уақытта пайда болғанына түсінік берілді.

«Оқырмандар арасында террорлық әрекеттердің белең алуы неліктен?» атты пікірталас өткізіліп, террористік ұйымдар мен діни секталардың таралуы туралы айтылды. Кітапханашылар тарапынан оқырмандарға сұрақтар қойыла отырып, белсене атсалысып ойларын толық жеткізді. Кітап көрмесіне библиографиялық шолу жасалды.

joomlamodniyportal.ru