балалар мен жасөспірімдер кітапханасы

Д.А.Қонаев атындағы облыстық балалар мен жасөспірімдер кітапханасы, Жамбыл облыстық әкімдігі білім басқармасының оқу-әдістемелік кабинеті және Жамбыл облысы Д.А.Қонаев қорымен бірлесе отырып , көрнекті мемлекет және қоғам қайраткері Д.А.Қонаевтың 110 жылдығына орай «Д.А.Қонаев: Тарих. Тұлға. Тағдыр» облыстық дөңгелек үстел өтті.

Д.А.Қонаевтың еңбектері мен қоғамдағы рөлін насихаттап, тәжірибе алмасу мақсатын көздеген дөңгелек үстелге Жамбыл облысы әкімдігі білім басқармасының оқу–әдістемелік кабинеті басшысының орынбасары Тажибаев Бигелді Халилуллаұлы, Д.А.Қонаев қорының кеңесшісі Ж.Күздеубеков, Талас аудандық Қонаев қорының төреағасы Л.Нұрұлы, М.Х.Дулати атындағы университетінің доценті Т.Мұқашев, аталған университеттің «тарих және география» кафедрасының меңгерушісі доцент Е.Серікбаев қатысты.

Облыстық дөңгелек үстел барысында кітапхана қызметкерлері «Ғасырдың дара перзенті» кітап көрмесіне шолу жасады. Д.А.Қонаевтың өмір жолы мен өнегесі, Қазақстанның дамуына қосқан үлесі, шығармалары, ғылыми еңбектері, өсиет сөздері туралы аталған қонақтар баяндамалар оқып, ақпараттық дайджест және бейнебаяндар ұсынды. Іс-шараға ЖОО ғалымдары мен оқытушылары, аудандар мен Тараз қалалық білім бөлімдерінің әдіскерлері, мектеп басшылары, тарих пәнінің мұғалімдері барлығы 60 адам қатысты.

joomlamodniyportal.ru