балалар мен жасөспірімдер кітапханасы

2022 жыл – «Балалар жылы» аясында өскелең ұрпақты ұлттық рухта тәрбиелеу, рухани мәдениетімізді насихаттау мақсатында ұйымдастырған «Оқитын өңір» республикалық online байқауына облыстар көлеміндегі кітапхана оқырмандары үлкен қызығушылықпен қатысып, байқау өз мәресіне жетті.

Байқау 12-16 жас аралығындағы оқырмандарға 25 қаңтар айынан 25 мамыр айы аралығында әлеуметтік желіге жарияланды.

Байқау үш номинация бойынша өткізілді.

1-орын "Ең үздік пікірдің авторы" номинациясы бойынша БҚО, Орал қаласынан қатысқан Ж.Досмұхамедов атындағы жоғары педагогикалық колледжінің 1 курс студенті Рамазан Перизат Жұмабайқызына берілді.

Түркістан облысы, Ордабасы ауданы, Ш.Уәлиханов атындағы мектеп-гимназиясының 7 сынып оқушысы Самат Ернұр "Зерделі оқырман" номинациясы бойынша атанып 2-орынды иеленді.

3-орынды Жамбыл облысынан қатысқан Жамбайбекова Мөлдір Қайратқызы "Кітапхана досы " номинациясына ие болды.

Жеңімпаздар анықталып, алғыс хаттармен және оқырман өзінің жеке кітапханасын қалыптастыру мақсатында Абайдың, Б.Соқпақбаевтың, «Тараз өлкесі» кітабы, Ә.Нұршайықовтың, Ш.Мұртазаның, «Балалар поэзиясының антологиясы» кітабы тағы басқа көркем әдебиеттер тарту етілді.

Байқауға қатысқан басқа да үміткерлер ынталандыру марапатына ие болды.

joomlamodniyportal.ru